web counter
LEXO PA REKLAMA!

SHKARKO APP

App Store
Google Play

E fundit!

x

Dita e katërt për t'u paraqitur/ Berisha nuk shkon në SPAK

18 Dhjetor 2023, 10:50, Politikë CNA
Dita e katërt për t'u paraqitur/ Berisha nuk shkon në SPAK
SPAK

Për herë të katërt, ish-kryeministri ka refuzuar që të paraqitet në dyert e SPAK-ut, në zbatim të vendimit të Gjykatës së Posaçme.

Sipas vendimit, ish-kryeministri duhet të paraqitet të hënën e parë dhe të 3-të të çdo muaji në SPAK.

Por ashtu si në 3 të hënat e tjera, as sot ai nuk shkoi para oficerëve të BKH-së, pasi e cilëson masën e sigurisë si shkelje të ligjit dhe të Kushtetutës.

Për shkak të mosparaqitjes, SPAK ka dërguar një shkresë në Kuvendin e Shqipërisë, ku kërkon ndryshimin e masës së sigurisë nga “detyrim me paraqitje” në “arrest shtëpie”.

Për të shqyrtuar këtë kërkesë, do të mblidhet sot Këshilli i Mandateve.

Kujtojmë se SPAK-u ka ngritur akuzat se Berisha ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit “Partizani”, Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga