web counter
LEXO PA REKLAMA!

SHKARKO APP

App Store
Google Play

"Dhunë brutale ndaj qytetarëve dhe opozitës"/ Berisha: Do të përgjigjemi me vepra, jo me fjalë

18 Shtator 2025, 11:22, Politikë CNA

"Dhunë brutale ndaj qytetarëve dhe opozitës"/ Berisha:

Kryetari i Partisë Demokratike, Sali Berisha, në mbledhjen e Grupit Parlamentar të PD-së të thirrur pas seancës plenare deklaroi se votimi pa debat i Këshillit të Ministrave dhe programit qeverisës ishte një skenar i parapërgatitur në momentin më solemn të transparencës për qyetarët.

Berisha tha se ky është një akt brutal dhune publike ndaj qytetarëve dhe opozitës.

Kryedemokrati tha se kjo do të marrë një përgjigje të fortë me veprime, jo me fjalë.

 

"Sot, sipas një skenari të parapërgatitur, që e lajmëroi vetë kryehorri i kombit, se vetëm ai mund të ndërmarrë një skenar dhe akt të tillë, Parlamenti shqiptar u asgjësua në momentin e tij më solemn, momentin më të rëndësishëm të transparencës, të përgjegjësisë.

Ka ndodhur që kjo organizatë kriminale, e cila drejtohet nga Edi Rama të kalojë ligje për 5 minuta, por nuk ka ndodhur kurrë ndonjëherë dhe në asnjë vend, që një program qeverie, një kabinet të kalojë brenda 5 minutave siç u veprua sot.

Ky është një akt brutal dhune publike ndaj qytetarëve shqiptarë të çdo spektri që ka marrë pjesë në votim.

Ky është një akt brutal dhune ndaj opozitës dhe popullit opozitar, me të cilin Edi Rama, i cili kujtonte Fahri Balliun, Klevisit, për betejat e tij kundër nenit të agjitacionit dhe propagandës. Edi Rama, një bastard i xhelatit të diktaturës, që ka firmosur varjen në litar dhe ekzekutimin e njerëzve të pafajshëm, sot me një skenar të parapërgatitur ekzekutoi Parlamentin, parlamentarizmin, opozitën në Parlament dhe vendosi kështu rekordin më kulmor të dhunës dhe poshtërimit ndaj institucionit të Parlamentit, ndaj Kushtetutës në radhë të parë, ndaj institucionit kryesor të vendit, Parlamentit, dhe ndaj opozitës.

Natyrisht ky zhvillim dramatik meriton dhe duhet të marrë përgjigjen më të fortë dhe më të fuqishme.

Jo në fjalë, fjalët nuk kanë aspak vlerë, por në veprime, në veprime, në veprime.

Me aktin e tij, ai faktikisht shkelmoi, shumëzoi me zero, asgjësoi vullnetin e të gjithë shqiptarëve që morën pjesë në votim. Përfaqësuesve të atyre që votuan kundër Edi Ramës. Republikës parlamentare. Kushtetutës së kësaj republike. 

Shpalli luftë të hapur, me një skenar të përgatitur, bashkë me kreun e Parlamentit, që është një individ skllav i krimit dhe korrupsionit të vet dhe që tregoi se është i aftë të zbatojë çdo skenar të gatshëm që vjen nga Edi Rama dhe banda e tij", tha Berisha./CNA





Lajmet e fundit nga