web counter
LEXO PA REKLAMA!

SHKARKO APP

App Store
Google Play

E fundit!

x

Skandal në Tiranë/ Xhaferri: Detyrohen studentët të paguajnë paradhënie, konviktet përdoren për Airbnb

18 Shtator 2025, 11:07, Politikë CNA

Skandal në Tiranë/ Xhaferri: Detyrohen studentët të

Deputeti i Partisë Demokratike, Besart Xhaferri, përmes një postimi në rrjetet sociale, ka hedhur akuza në drejtim të drejtuesve të konvikteve në Qytetin Studenti në Tiranë.

Xhaferri denoncon se janë vendosur kritere që studentët të paguajnë konviktin për 5 muaj njëherësh duke i detyruar të kërkojnë shtëpi me qira.

Denoncimi shkon më tej, pasi Xhaferri shkruan se kjo bëhet për t’i përdorur dhomat e mbetura bosh për Airbnb.

"Skandal/ Drejtuesit e Qytetit Studenti detyrojnë studentët të kërkojnë shtëpi me qira, dhomat në QS ndoshta i përdorin për Airbnb!

Një situatë skandaloze është duke ndodhur me regjistrimet tek Konvikti i Mjeksisë  dhe në Qytetin Studenti ku ndonëse shumica e dhomave janë bosh refuzohet strehimi i studentëve që vijnë nga rrethet.

Kjo për shkak se shumë drejtues të QS dhe punonjës kanë shtëpi që i japin me qira dhe i detyrojnë studentët të shkojnë në shtëpitë e tyre  me qira në zonat përrreth QS.

Kriteri i vendosur që studenti duhet të paguajë konviktin 5 muaj njëherësh ose një vit është diskriminues duke llogaritur faktin se studentët vijnë nga rrethet nga familje me të ardhura të pakta.

Madje disa studentë po më njoftojnë se drejtuesit i japin dhomat që mbeten bosh me qira për njerëz që nuk janë studentë ose më keq mund ti përdorin për airbnb.

Madje ndaj studentëve që nuk i kanë regjistruar në konvikt nuk kanë kursyer as dhunën policore.

Ministres së Pikave të vogla duhet ti thotë dikush se në Prishtinë një student me 35 euro në muaj ka të siguruar fjetjen dhe ushqimin ndërsa në Tiranë studentët nuk i lënë as të regjistrohen në Qytetin Studenti, shkruan Xhaferri./CNA

 





Lajmet e fundit nga