web counter
LEXO PA REKLAMA!

SHKARKO APP

App Store
Google Play

Deklaratat e Ramës për Vrenozin dhe fushatën e PD-së/ Këlliçi “shuplakë” kryeministrit

23 Prill 2025, 19:00, Politikë CNA

Deklaratat e Ramës për Vrenozin dhe fushatën e PD-së/

Drejtuesi politik i PD-së për Tiranën Belind Këlliçi ka reaguar pas deklaratave të Ramës në lidhje me Ilir Vrenozin si dhe fushatën e PD-së.

Këlliçi thekson se Rama duhet të punojë me veten për të arritur nivelin e demokratit Ilir Vrenozi.

“Edi Rama qenka shqetësuar sërish për fushatën e Partisë Demokratike, kësaj radhe duke përmendur Ilir Vrenozin si mbështetës të PD në Korçë.

Së pari duhet theksuar se Ilir Vrenozi është një qytetar shumë dinjitoz e fisnik dhe as mund të krahasohet me Edi Ramën! Qoftë në integritet personal, qoftë në sjellje apo në gjuhën që përdor ndaj grave, fëmijëve dhe të sëmurëve.

Edi Rama duhet të punojë shumë me veten për të arritur nivelin e demokratit Ilir Vrenozi”, shkruan Këlliçi.

Më tej reagon në lidhje me kërkesën e faljes së Ramës duke thënë se nuk është e mjaftueshme për fjalët dhe gjestet skandaloze që ka kryer së fundi.

Sipas Këlliçit ai duhet të japë dorëheqjen.

“Së dyti, kryeministri i vendit nuk mund të mjaftohet me një kërkim falje për fjalët dhe gjestet e tij skandaloze të ditëve të fundit.

Ai duhet të mbajë përgjegjësi për sjelljen e tij të papranueshme ndaj fëmijëve, grave dhe shtresave të margjinalizuara të këtij vendi.

Dorëheqja do ishte veprimi i duhur për një mea culpa të ndershme.

Sa për fushatën e PD, le të mos shqetësohet.

Rezultatet e saj kanë filluar të bëhen të dukshme me shfazimin e tij të pashmangshëm, ditë pas dite”, përfundon Këlliçi.





Lajmet e fundit nga