web counter
LEXO PA REKLAMA!

SHKARKO APP

App Store
Google Play

Deklaratat e kryeministrit/ Noka reagon nga Kavaja: Rama sjellje perverse me fëmijët, është i mbaruar

22 Prill 2025, 10:50, Politikë CNA

Deklaratat e kryeministrit/ Noka reagon nga Kavaja: Rama sjellje perverse me

Nga Kavaja, në takimin me qytetarët, Sekretari i Përgjithshëm i PD-së, Flamur Noka, i është përgjigjur Edi Ramës duke e cilësuar perverse shfaqjen me fëmijët minorenë.

Noka tha se Ramës po i rrëshqet dheu nën këmbë pasi nuk ka program dhe nuk do që të japë llogari përpara qytetarëve.

 

"Erdhi sot Edi Rama me Elisa Spirobajrin dhe u morën me Eltonin. U ka djegur shumë fakti që Eltoni ka marrë përsipër të zerojë 'Rilindjen' këtu në Kavajë. Po Eltoni do ta zerojë 'Rilindjen' në Kavajë sepse ti ia zerove Kavajës të gjitha institucionet dhe tentove ta ktheje Kavajën në fshat duke hequr të gjitha institucionet nga Kavaja. E ka kthyer Kavajën sikur është një provincë e largët, humbëtirë. I ka bërë hesapet gabim. Nxorën disa klithma dëshpërimi kundër Eltonit.

Çfarë kryeministri je ti që shkon e mbledh fëmijë minorenë, vajza, djem, 13-14-15-vjeçarë dhe u thua ejani më shihni në 'YouTube' mua lakuriq.

Po ç’kusur kanë fëmijët tanë të shohin perversitetin tënd. Ç’kusur kanë vajzat tona të jenë aty dhe të dëgjojnë një pervers që është kryeministër, që ju sheh me perversitet në vend që t’ju ushqejë me dashuri, me kulturë, me edukatë.

A mund të jetë kryeministër ky njeri?

Po pse e tha ai atë?

Ua them unë.

Ai nuk ka program, ai s’do të japë llogari. Është i dëshpëruar. Ai është i braktisur, është i braktisur, sepse nuk ka qytetarë. Edhe këtu kishte administratë, por atje kishte nxjerrë me dhunë në ditë pushimi nxënësit dhe nxënëset për t’ju treguar se po i shkojnë njerëz. Dhe e ndien, atij po i rrëshqet dheu nëpër këmbë.

Ai e ndien se jo që po humb, se po ua them unë këtu motra dhe vëllezër, humbja është lule për atë. Por pas humbjes e pret ‘lali vjedhësi’ atje te vendi. Prandaj kjo e tmerron Edi Ramën. Kjo e tmerron Edi Ramën, e ka humbur.

I fut nja dy viza, i errësohet shikimi dhe nuk di aty se ç'ka, fëmijë përpara dhe flet perversitete. Është në dëshpërim. A e mbani mend para 1 viti? 90 mandate do të marr thoshte, e uli në 86. E uli në 84. Shkoi në 78. Tani shkoi në 71. Ka mbaruar", tha Noka pasditen e së hënës në Kavajë./ CNA

 





Lajmet e fundit nga