web counter
LEXO PA REKLAMA!

SHKARKO APP

App Store
Google Play

“Kryetari i bashkisë është Rama”/ Gazetari Fundo: Nuk e kam parë kurrë Veliajn si pjesë të PS-së

22 Prill 2025, 10:27, Politikë CNA

“Kryetari i bashkisë është Rama”/ Gazetari Fundo: Nuk

Gazetari Elvi Fundo, i ftuar në "Syri TV" në emisonin “Kafe shqeto” nga Flavio Qarri, është ndalur te situata në bashkinë e kryeqytetit pas arrestimit të kryetarit Erion Veliaj. Fundo tha se kryetari i Bashkisë së Tiranës aktualisht është kryeministri Rama dhe kjo gjë u kuptua kur shkarkoi Alban Dokushin dhe Sara Goxhajn nga postet në bashki dhe emëroi si kryetare të deleguar Anuela Ristanin.

Më tej gazetari Fundo tha se nuk e ka parë kurrë Erion Veliajn si pjesë të Partisë Socialiste dhe tha se nga qelia e Durrësit, kryebashkiaku do të mundohet në maksimum me intriga që të ketë një pjesë të njerëzve të tij në grupin parlamentar socialist.

Fundo tregoi se Veliaj dhe njerëzit e tij, nëpërmjet mediave dhe portaleve anonime, po sulmojnë njerëzit brenda Partisë Socialiste.

“Kryetari i Bashkisë Tiranë është kryeministri Rama. Gjithçka u kuptua kur u shkarkuan Dokushi dhe Goxhaj dhe u emërua Ristani. Nuk e kam parë kurrë Veliajn si pjesë të PS-së, s’ka çfarë i bën PS. Do t’i luajë në maksimum intrigat që të ketë një potencë në grupin parlamentar dhe dikush të flasë për të. Nëpërmjet portalesh anonime, sulmojnë njerëzit brenda PS-së. Po zihen me njëri-tjetrin që nesër të jenë një grup solid dhe nesër Veliaj t’i bëjë karshillëk Edi Ramës”, tha Fundo./ CNA





Lajmet e fundit nga