web counter
LEXO PA REKLAMA!

SHKARKO APP

App Store
Google Play

Blushi i Metës: Po përzgjedhim “vaksinën” që do të shërojë “Covidin” e Ramës

28 Shtator 2025, 14:15, Politikë CNA

Blushi i Metës: Po përzgjedhim “vaksinën” që do

Sekretari i Përgjithshëm i Partisë së Lirisë, Tedi Blushi pas takimit me opozitën për përzgjedhjen e kandidatit që do të garojë përballë Ogerta Manastirliut, është shprehur për mediat se takimet po bëhen për të zgjedhur vaksinën e duhur që sipas tij do të shërojë kryeqytetin.

Blushi i Metës deklaroi se, vaksina e opozitës kundër Covidit të Ramës do të jetë një kandidaturë e denjë që do ta kthejë Bashkinë e Tiranës në shërbim të qytetarëve dhe do t’i japë fund njëherë e mirë paligjshmërisë, korrupsionit dhe inkriminimit.

Më tej shtoi se kandidatura do të bëhet publike shumë shpejt.

“Përballë “kandidates së Covid-it”, ne po përzgjedhim “vaksinën” e duhur, e cila do të shërojë kryeqytetin.

Vaksina jonë kundër Covid-it të Edi Ramës do të jetë padyshim një kandidaturë e denjë, që do ta kthejë Bashkinë e Tiranës në shërbim të qytetarëve dhe do t’i japë fund, njëherë e përgjithmonë, paligjshmërisë, korrupsionit dhe inkriminimit.

Komunikimin e kandidaturës, sigurisht, do ta bëjë Partia Demokratike, si forca kryesore dhe udhëheqëse e koalicionit tonë.

Kam përshtypjen se shumë shpejt edhe emri do të bëhet publik”, tha Blushi./ CNA





Lajmet e fundit nga