web counter
LEXO PA REKLAMA!

SHKARKO APP

App Store
Google Play

E fundit!

x

Beteja për ndarjen e posteve të PD-së, kur kokoshi është katandisur një thelë

13 Qershor 2025, 16:54, Politikë CNA
Beteja për ndarjen e posteve të PD-së, kur kokoshi
Foto ilustruese

Ka një betejë të gjallë në PD për ndarjen a posteve pas përfundimit të ankimimeve lidhur me zgjedhjet.

Me një grup parlamentar prej 43 deputetësh, nëse heq kryetarët e partive aleate dhe ndonjë deputet aleat, lista e posteve është shumë e vogël.

Beteja për karrigen e Nënkryetarit të Kuvendit është mes Luçiano Boçit, Oerd Bylykbashit dhe Agron Gjekmarkajt që e mban aktualisht.

Këtu lufta është e rreptë edhe për shkak të faktit se nga karrikja e NënKryetarit të Kuvendit kooptohesh si Nënkryetar i Partisë. Përndryshe duhet të hysh në garë e të votohesh.

Por ka dyshime se secili prej kandidatëve çoç ka dëgjuar nga "garat' brenda PD dhe ka humbur besimin tek votimi. Aq më shumë kur thuhet se në Komisionin e Zgjedhjeve të PD do thirret të numërojë votat Jemin Gjana si njeri me eksperiencë.

Gazmend Bardhi nga ana tjetër shpreson të mbajë postin e Kryetarit të Grupit Parlamentar.

Në pritje ka prej një muaj qe nuk del në media. Pasi depozitoi në Presidencë një letër urgjente për Presidentin ku ankohej për punësimin e Rusmajlit në KAS, është zhdukur me urgjencë.

Në studio televizive nuk del sepse është i sigurtë që do e pyesin per Babin e Zenit. Ndaj është në pritje dhe ndërkohë shkruan drafte. Nëse Berisha do e rikonfirmojë Kryetar Grupi do e mbrojë. Ndryshe...ja tregon Gazi atija.

Edhe posti i këshilltarit juridik të grupit parlamentar është në lojë gjithashtu. Marash Logu dhe Franc Nuri janë emrat më të përfolur por Marashi duket se po e përjeton më me afsh garën.

Beteja për ndarjen e posteve të PD-së, kur kokoshi

Kuptojuani hallin e mos ua vini re kur shkruajnë e flasin sikur kanë hallin e zgjedhjeve "të vjedhura". Secili po kërkon një post ose një vend pune.

Dhe në kushtet kur PD është katandisur si "kokoshi një thelë" edhe tonet ngrihen më shumë e krekosjet do shtohen.

Meqë "ankimimet" po shqyrtohen në KAS, disa prej tyre jane vërsulur të shajnë e mallkojnë Rusmajlin me besimin se i dëgjon Berisha.

Por kot e kanë. "Rusmajli" nuk u siguron dot vend pune të gjithëve.

Për shembull Gazi dhe Marashi duhet t'a hedhin me short, se nuk do mbushen gjithë postet në PD me nxënësit dhe bashkëpunëtorët e zyrës juridike të Eduard Halimit.

Një gjë është e qartë, për të gjithë në PD zgjedhjet kanë mbaruar./ CNA





Lajmet e fundit nga