web counter
LEXO PA REKLAMA!

SHKARKO APP

App Store
Google Play

Berisha përgënjeshtron sërish veten/ Nuk ishte Olsi Dado personi që liroi kunatin e Hajrit

5 Dhjetor 2024, 22:33, Politikë CNA
Berisha përgënjeshtron sërish veten/ Nuk ishte Olsi Dado personi
Ish-kryeministri Sali Berisha

Disa ditë më parë, ish-kryeministri Sali Berisha ngriti akuzat se prokurori i posaçëm, Olsi Dado, kishte liruar nga burgu kunatin e Altin Hajrit, Julian Gjoshin, i cili akuzohet se ekzekutoi me armë zjarri Alfred Dedjan në Ndroq.

CNA konfirmoi nga burime zyrtare se Gjoshin nuk e kishte liruar prokurori Olsi Dado.

Deklaratën e Berishës e përgënjeshtroi edhe SPAK-u.

Pas kësaj, Berisha doli në media dhe pranoi se kishte gënjyer për prokurorin e posaçëm. Kryetari i PD-së e përgënjeshtroi sërish veten mbrëmjen e sotme në emisionin e Eni Vasilit.

“Nuk e akuzova unë, e përmenda unë, ke të drejtë shumë, unë e kam këtu faqen. Ishin dy portale dhe dy mesazhe të palidhura me portalet që përmendnin emrin e Olsi Dados dhe kur e përgënjeshtroi SKAP-i se nuk është Olsi Dado se unë nuk mund të them se është. Por cili është Olsi? Domethënë Dumani e di se kush është ky Olsi.

Cili është ky Olsi? Është Olsi të cilit Altin Hajri i tha merrja pak masat këtij që të sjell nja dy kostume, Olsit t’i sillte nja dy kostume. Dumani mendoi se po më përgënjeshtronte me këtë, por ra edhe më thellë. Ai fshehu Olsin, unë nuk e fsheh Olsin. Mua siç më thanë thashë, thanë që nuk është s’është dhe e them prap ka qenë një burim, por Olsi është ama aty se Olsi është, gjysmë faqe flitet për Olsin dhe kostumet”, theksoi Berisha./ CNA





Lajmet e fundit nga