web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk i ndahet Ramës/ Gënjen për inflacionin, shfrytëzoi çdo fatkeqësi

9 Nëntor 2022, 19:44, Politikë CNA
Berisha nuk i ndahet Ramës/ Gënjen për inflacionin,
Foto nga takimi

Kryetari i Partisë Demokratike, Sali Berisha, nuk i është ndarë kryeministrit Edi Rama, ndaj të cilit ka hedhur sërish akuza.

Në një takim me banorët e degës 4 në Tiranë, Berisha tha se Rama po gënjen për inflacionin dhe po shfrytëzon çdo fatkeqësi, duke u rënduar gjendjen qytetarëve.

Sipas tij, sot Shqipëria mban çmimet më të larta se në vendet e BE-së.

“Edi Rama dhe kjo qeveri ka shfrytëzuar fatkeqësitë jo për t'ua lehtësuar ju qytetarëve gjendjen në këto fatkeqësi, por për t'ua rënduar sa më shumë gjendjen.

Pllakosi COVID-i, mijëra qytetarë nuk i shtronin në spital me urdhër të tij, mjekoheshin në shtëpi. Mesatarja 1 mijë euro mjekimi, ata që i bënin, se ata që nuk i bënin pa mjekim.

Çfarë solli kjo, solli një çmim të tmerrshëm, solli vdekshmërinë e 4 më të lartë në botë te shqiptatët. Dy herë e gjysmë më të lartë se mesatarja e vendeve të BE-së. Sepse qeveria këtë fatkeqësi e shndërroi në superfatkeqësi, sepse qeveria dhe ministria vidhnin e vidhnin tenderat për gjithçka.

Në vend që të hapnin shtretër siç bëri Kosova e Maqedonia, mbante për 3 milionë banorë në kulmin e kulmit, 630 shtretër, kur Kosova nga fillimi e në fund 1150 shtretër për 2 milionë.

Edi Rama çdo vështirësi e ka dyfishuar mbi ju.

Marrim luftën në Ukrainë që thotë se po bëjmë rezistencë, paçka se nuk ka çuar një fishek në atë vend. Çfarë rezistence po bëjmë, vuri bordet komuniste dhe të gjithë faturën e paguani ju. Mban çmimet më të larta, kanë cinizëm në qëndrimin ndaj jush.

A e dëgjuar sot kur thoshte e kemi inflacionin më të ulët në rajon. Por nëse ke inflacionin më të ulët në rajon, gënjen ti apo Eurostati që thotë se çmimet e ushqimeve bazë në Shqipëri janë 7-10 % më të shtrenjtat se në vendet e BE-së. Si mund ta kesh inflacionin më të ulët, kur në Kosovë janë çmimet të paktën 30% më të ulëta. Si mund ta kesh inflacionin më të ulët kur nafta në Tiranë shitet me çmimin që shitet në Zyrih, ku rrogat janë të paktën 8 herë më të larta”, theksoi nkreu i demokratëve./ B.A. – CNA.al





Lajmet e fundit nga