web counter
LEXO PA REKLAMA!

SHKARKO APP

App Store
Google Play

E fundit!

x

Si janë bërë negociatat për Portin e Durrësit?/ Alibeaj bën zhurmuesin në Kuvend

9 Nëntor 2022, 10:33, Politikë CNA

Si janë bërë negociatat për Portin e Durrësit?/ Alibeaj

Enkelejd Alibeaj, një nga deputetët përçarës të PD-së, e ka nisur seancën plenare duke bërë zhurmuesin.

Ai ka kundërshtuar projektin për Portin e Durrësit, duke kërkuar të mos miratohet me shpejtësi në parlament.

“Po, e vërtetë, mund të kërkoj projektligj me procedurë të përshpejtuar, por ka arsye më të madhe pse sillni ligjin për portin e Durrësit. Kjo i bie ta fusni në punime dhe pas 2 javësh ta përfundoni. Ta marrin vesh shqiptarët, doni të kaloni me shpejtësi të madhe projektligjin që ka 5 nene. Ky ligj kushton 2 miliardë e 100 milionë euro. 400 milionë një nen dhe ju doni ta kaloni me procedurë të përshpejtuar kur sot diskutohet buxheti? Doni ta kaloni fshehurazi. Sot s’po bëni gjë veçse po prisni shiritin e një afere ekonomike që shumë shpejt mund të kthehet në aferë korruptive”, është shprehur Alibeaj.

Sipas tij, askush nuk e di si janë bërë negociatat.

“Kjo nuk na bën bashkë se nuk është prona jonë, por e shqiptarëve. Duhet t’u tregoni çfarë po ndodh. Ku i lind e drejta të shesë diçka që nuk ka të drejtë ta bëjë? Parlamenti të mos e miratojë me shpejtësi këtë ligj. Qeveria të sjellë të gjithë dokumentet e 5 neneve që askush nuk i di dhe të tregohet pazari me Portin e Durrësit. Fakti që doni ta kaloni me shpejtësi, aty fshihet djalli”, ka thënë më tej Alibeaj./CNA.al

 





Lajmet e fundit nga