web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Në këto zgjedhje do të bëjmë një hap drejt fitores

7 Tetor 2022, 10:49, Politikë CNA

Berisha: Në këto zgjedhje do të bëjmë një hap

Kreu i PD-së, Sali Berisha, gjatë një takimi me banorët në Memaliaj, ka thënë se kjo zonë është bastion i demokratëve.

“Shpreh krenarinë time dhe të mbarë demokratëve shqiptarë për demokratët e Memaliajt, bastion i demokracisë që në ditët e para të themelimit të PD-së.

Ju keni qenë gjithnjë një mbështetje e fuqishme dhe cilësore e PD-së në jugun e vendit, prandaj mirënjohja jonë është e pakufishme.

Unë vij sot këtu në një moment shumë të rëndësishëm për Shqipërinë dhe shoqërinë shqiptare. Vij në një moment kur PD, pas një procesi të pashembullt në historinë e një force politike, në të cilën u përball e vërteta me gënjeshtrën, u përball e vërteta me falsitetin në të gjitha aspektet, triumfoi në mënyrë të fuqishme, të pandalshme, qëndrimi i demokratëve ndaj së vërtetës”, është shprehur Berisha.

Sipas tij, PD-ja u themelua si një forcë e tillë, si forcë e të vërtetave të mëdha, universale, por edhe si forcë e të vërtetave të mëdha shqiptare.

“Në këtë moment, ajo është në një mision të madh, është në misionin e shembjes së monizmit absolut, i cili këtë vit është po aq absolut sa ishte në shkurtin e vitit 1991.

Edi Rama ka rrëmbyer, duke shkelmuar votën tuaj, të gjitha pushtetet dhe i përdor ato me një qëllim kryesor: pasurimin e vet, vjedhjen e fondeve publike, mashtrimin e përditshëm tuaj dhe arrogancën dhe shumëzimin me zero të qytetarëve të Memaliajt dhe Shqipërisë.

PD, në këtë betejë mes të vërtetës dhe mashtrimit, premtoi ndryshimin. Premtoi se do ndryshojë vetë. Premtoi se do u ofrojë shqiptarëve ndryshimin. Këtë po përpiqemi fort ta bëjmë realitet”, ka thënë Berisha.

Kreu i PD-së ka thënë ndër të tjera se në këto zgjedhje bëjmë një hap të madh drejt fitores së zgjedhjeve politike.

“Ne do bëjmë gjithçka që të pushtojmë mendjen dhe zemrat e atyre që akoma nuk kanë besim te ne.

Ne do bëjmë gjithçka, që aspiratat e tyre, t’i shndërrojmë në programin tonë.

Sot, ky është një drejtim madhor i punës sonë, sepse PD në një zinxhir gabimesh të pafalshme, doli tërësisht jashtë pushtetit.

Edi Rama deshi vetë t’i marrë të gjitha pushtetet në një dorë, por kjo nuk do të thotë se PD nuk e ndihmoi sepse bojkoti i zgjedhjeve lokale, kur presidenti e shtyu datën, ishte një shans për PD-në që të tërhiqej nga vendimi i saj.

Në këto zgjedhje ne bëjmë një hap të madh drejt fitores së zgjedhjeve politike që do mbahen në momentin më të shpejtë të mundshëm”, është shprehur Berisha./CNA.al





Lajmet e fundit nga