web counter
LEXO PA REKLAMA!

SHKARKO APP

App Store
Google Play

Berisha mbledh 71 të rinjtë e zgjedhur në Këshillin Kombëtar: Vektor për ripërtëritjen e vendit dhe PD-së

6 Qershor 2026, 17:47, Politikë CNA

Berisha mbledh 71 të rinjtë e zgjedhur në Këshillin

Kryetari i Partisë Demokratike, Sali Berisha, zhvilloi sot një takim me 71 të rinjtë e zgjedhur në Këshillin Kombëtar të PD-së.

Gjatë këtij takimi, ku i pranishëm ishte edhe europarlamentari Antonio Lopez-Isturiz, Berisha u ndal te roli dhe misioni i këtyrë të rinjve në ripërtëritjen e partisë.

Berisha u shpreh se ky grupim i politikanëve të rinj do t’i shërbeje jo vetëm PD-së, por edhe vendit, si një vektor që do t’i çojë përpara.

“Kjo audiencë është e vetmja e shpresës. Kjo edhe për partinë, por edhe për vendin. Pyes veten sesi ndodhi që u dyfishuan emrat? Kjo ndodhi si një domosdoshmëri absolute për të ripërtërirë partinë. Kuvendi kombëtar ishte për “Ripërtëritje”. Nuk ka vektorë të këtij procesi më shumë sesa ju. Ju jeni vizioni, dhe i juaji është më i miri për partinë. Ju dhatë shumë për demokratizimin e partisë. Askush tjetër nuk kontribuoi më shumë sesa ju në modernizimin e kësaj partie dhe organizmin më të mirë të saj. Në fakt, ju është një fillim i mirë për ju si politikanë të rinj, ju mund të bëheni arsye e arritjes së objektivave tona dhe ju e keni këtë potencial që të përmbushni misionin dhe detyrën tuaj”,-tha Berisha./CNA





Lajmet e fundit nga