web counter
LEXO PA REKLAMA!

SHKARKO APP

App Store
Google Play

E fundit!

x

Belind Këlliçi përgënjeshtron lajmet për vjehrrin/ Sfidon me padi në SPAK

18 Dhjetor 2022, 20:23, Politikë CNA
Belind Këlliçi përgënjeshtron lajmet për vjehrrin/
Deputeti dhe kandidati i Partisë Demokratike për bashkinë e Tiranës, Belind Këlliçi

Deputeti dhe kandidati i Partisë Demokratike për Bashkinë e Tiranës, Belind Këlliçi, ka reaguar pas lajmeve se shembjen e pallatit nr. 4, në rrugën "Myslym Keta", e ka firmosur vjehrri i tij.

Me anë të një statusi në rrjetet sociale, Këlliçi përgënjeshtron këto pretendime. Ai ka publikuar dokumentet me firmat e personave që kanë kërkuar shembjen e këtij pallati.

Deputeti ka sfiduar këdo që gjen një firmë të vjehrrit të tij në dokumente, ta padisë këtë të fundit në SPAK, njëlloj siç vetë Këlliçi bëri kallëzim në SPAK ndaj kryetarit të bashkisë, Erion Veliaj, si dhe ndaj disa vartësve të tjerë që firmosën prishjen e pallatit. 

“Përgjigje për ata që duan të lexojnë faktet.

Ndërsa ata që korrin mashtrimet që mbjell zdromsi, nuk kanë interes për të vërtetën. Nuk lodhem me ta.

Unë jam Belind Këlliçi, djali i Zamir dhe Suzana Këlliçit. Për ata që janë ende nën ndikimin e "fake neës" të porositura nga Erion Veliaj, po ju tregoj kush ka firmosur në rastin e pallatit nr. 4, në rrugën "Myslym Keta".

Po i gjetët firmë vjehrrit tim dhe kujtdo vjehrri në Shqipëri, paditeni në SPAK. Edhe Zamiri im po të ketë firmë, paditeni në SPAK. Do të vij dhe unë me ju ta padisim bashkë.

Këto metoda tipike të regjimit, të përsëritura për vite me radhë, nuk e fshehin dot të vërtetën se Erion Veliaj po dëbon njerëz të pafajshëm nga banesat e tyre, për pazarin e radhës.

Kjo histori brutaliteti e një pushteti që qëndron në këmbë me dhunë dhe para të pista, nuk do të harrohet duke fabrikuar lajme për mua dhe të afërmit e mi.

I komanduari i Ramës në Bashkinë e Tiranës nuk njeh asnjë normë morale, ligjore dhe proceduriale. Ai është thjesht një instrument në shërbim të ujdive të pista.

Do mashtrojnë deri më 14 maj. Do i durojmë edhe ca muaj”, thekson kandidati i PD-së për bashkinë e Tiranës./ B.A. – CNA.al





Lajmet e fundit nga