E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Korçë, zbulohen kandidatët e Primareve të PD-së

26 Tetor 2022, 11:54, Politikë CNA

Primaret që zhvillohen për herë të parë, pra votimi i gjithë anëtarësisë për të zgjedhur kandidatët për pushtetin vendor, për kryetar bashkie, kanë filluar të sjellin shpalljen e shumë kandidaturave apo emrave, të cilët duan të jenë pjesë e kësaj gare dhe më pas të përballen me socialistët për zgjedhjet lokale të viti 2023.

CNA.al ka mësuar nga burime zyrtare nga dega e PD-së në Korçë, se tre janë emrat aktualisht që jo vetëm përfliten, por do të jenë pjesë kryesore e garës për Primaret.

E para është Eleina Qirici, ish-deputete e Partisë Demokratike, bashkuar me grupin e Foltores të doktor Berishës, ish-zëvendësrektorja e Universitetit të Korçës, pedagoge, është një nga emrat e preferuar të demokratëve për t’u futur në garën e Primareve.

Korçë, zbulohen kandidatët e Primareve të PD-së

Eleina Qirici

Një emër tjetër është Lediana Aliolli, një emër i përsëritur i zakonshëm, kandidon gjithmonë për kryetare. Pretendon të jetë kryetare dege, kërkon të jetë deputete. Kandidon gjithmonë si kandidate për kryetare bashkie e kështu me radhë.

Do të jetë e radhës në garën e Primareve Lediana Aliolli, aktualisht dekane në Universitetin “Fan Noli” në Korçë.

Lediana Aliolli

Emri i tretë është ai i doktorit, Gjergji Gjata. Një emër i cili është përfolur dhe në zgjedhjet e kaluara, por për shkak të bojkotit të bërë nga opozita ai u shmang.

Ka qenë edhe një nga emrat që pritej të ishte në listën e kandidatëve për deputetë të Lulzim Bashës në vitin 2021. Por nuk ndodhi kështu. Ai është emri i tretë i zbuluar deri tani që pritet të jetë pjesë e garës së Primareve.

Gjergji Gjata

Gjithashtu një nga emrat e pritshëm është edhe Irvin Bode. Këta janë të paktën katër emra, ndërkohë do të pritet afati final, për të bërë një listë më të plotë sepse mund të ketë të tjerë emra, të tjera pretendime për të kandiduar për Bashkinë e qytetit të Korçës./CNA.al