web counter
LEXO PA REKLAMA!

SHKARKO APP

App Store
Google Play

E fundit!

x

Kostandin Luçi ‘telendis’ Gazment Bardhin/ Turp për ju, nuk mund t’i ofendoni Ortodoksët

25 Tetor 2022, 16:15, Politikë CNA
Kostandin Luçi ‘telendis’ Gazment Bardhin/ Turp për ju,
Deputeti Gazmend Bardhi

Historiani Kostandin Luçi ka reaguar me tone të ashpra pas deklaratës së bërë mbrëmjen e djeshme nga deputeti Gazment Bardhi, i cili tha se si musliman ai ka vetëm Kuranin, ndërsa Biblën e ka komuniteti katolik.

Pas raportimit të CNA.al për këtë çështje, Luçi thekson se Bardhi ka ofenduar në mënyrë të drejtpërdrejtë komunitetin Ortodoks, duke ju mohuar atyre Biblën.

Në një status në rrjetet sociale, ai kërkon që deputeti të kërkojë falje për këtë ofendim ndaj Ortodoksëve shqiptarë dhe jo vetëm.

Historiani nënvizon se sjellje të tilla nga njerëz të tillë, tregojnë më së miri nivelin mjeran të disa deputetëve në Parlamentin e Shqipërisë.

“Gazmend Bardhi, ju nuk mund t’i ofendoni Ortodoksët.

Përfaqësuesi i qarkut të Elbasanit, deputeti Gazmend Bardhi, në një intervistë të dhënë ditën e djeshme tek emisioni Noë, me Erla Mëhillin, ndër të tjera ka deklaruar se: Unë jam mysliman dhe kam Kuranin dhe jo Biblën, sepse atë e ka komuniteti Katolik, duke ofenduar në këtë mënyrë të drejtë përdrejtë komunitetin Ortodoks dhe duke ju mohuar atyre Biblën.

Z.deputet, si përfaqësues dhe ligjvënës në parlamentin Shqiptar, duhet të ketë mirësinë dhe të kërkojë falje për këtë ofendim ndaj Ortodoksëve Shqiptarë dhe jo vetëm. Sjellje të tilla nga njerëz të tillë, të cilët e tregojnë vazhdimisht urrejtjen e tyre ndaj fjalës së Perëndisë, Biblës dhe ndaj të Krishterëve Ortodoksë, që tregon më së miri, nivelin mjeran të disa deputetëve në Parlamentin e Republikës së Shqipërisë.

Në qoftë se ju z.Bardhi do të kishit lexuar pak më shumë, do të kuptonit se Bibla  është fjala e vërtetë e Perëndisë dhe se Ortodoksët kanë dhënë jetën për të. Do kuptoje dhe do mësoje dhe që të hiqje dorë nga të gjitha ato dallavere dhe pisllëqe që po bën.

Njerëz që bëjnë deklarata të tilla dhe mohojnë  Krishtërimin Ortodoks, tregojnë injorancën e tyre, dhe nuk ka rëndësi nëse qenkan këta edhe kokat e vendit apo shkrimtarët më të shquar. Turp për ju  z.Bardhi”, shkruan Kostandin Luçi./ B.A. – CNA.al





Lajmet e fundit nga