E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

“Basha dhe Veliaj shpifën tek ambasadori britanik”/ Berisha: Së shpejti do t'i nxjerr faktet

2 Dhjetor 2022, 13:24, Politikë CNA

“Basha dhe Veliaj shpifën tek ambasadori britanik”/ Berisha:

Kreu i PD-së, Sali Berisha, ka akuzuar ambasadorin britanik, Alistair King-Smith, për shpifje.

Sipas tij është e përdorur e njëjta metodë si me SHBA-në. Është përdorur korrupsioni për të luftuar atë që denoncon më shumë korrupsioni.

“Guvernatorja Kim kalonte nga një takim në tjetrin, duke thënë se fakte kemi, por nuk i kemi, dhe eprori i saj, Escobar erdhi te Sokol Balla dhe tha se kemi faktet dhe do t'i sjellim, pas disa muajsh, në valët e 'Zërit të Amerikës', u bëri thirrje të gjejnë fakte.

Pra, nuk kanë asnjë fakt. U faktua 100 për qind ajo që i kam shkruar që ditën e parë Antony Blinken se ky vendim bazohet në lobimin korruptiv të Edi Ramës dhe George Sorosit.

Kjo është e vërteta.

Alistair King-Smith ka mashtruar në mënyrë të tmerrshme qeverinë e tij në bazë të korrupsionit, por Britania e Madhe është transparente.

Dhe, autoritetet britanike nuk pranojnë të thonë se kemi fakte, por nuk i themi. Kanë kanal zyrtar, ligjor për të ndjekur çështjen”, është shprehur Berisha.

Më tej ai ka paralajmëruar se do t’i bëjë të gjitha publike, faktet e gjetura. Sipas tij në këtë valle janë të përfshirë Edi Rama, Lulzim Basha dhe Erion Veliaj.

“Unë i kam gjetur dhe do t'ua bëj shqiptarëve të gjitha publike. Në momentin e duhur.

Shqiptarët do të shohin se çfarë dezinformimi të ulët ka bërë ambasadori Alistair King-Smith për qeverinë e tij.

Nuk luftoj për veten time, më së pari luftoj për shqiptarët, sepse ambasadorët që janë ekselenca, për definicion janë njerëz që punojnë për ndërtim urash dhe bashkëpunimi, por edhe për informacion, atë çfarë ka mashtruar Alistair King-Smith qeverinë e tij, turpëron çdo qenie njerëzore.

Unë do ua bëj të ditur shqiptarëve, unë vetë i di, por dua që shqiptarët t’i dinë.

Një nga problemet më të mëdha të kësaj mafie në pushtet janë valixhet me euro që shpërndan për të blerë deklarata, vendime, për të deformuar realitetin.

Këta emisarë të tipit Duçka nuk janë pa emër. Janë disa që lobojnë, që paguajnë dhe flasin në emër të tyre. Asnjë impresion nuk kam unë.

Unë kontratën e kam me shqiptarët, me vlerat europiane, por jo me mafian. Kurrë!

Një ambasador si Alistair Smith-King i lejon vetes të thotë se ky njeri është i lidhur me kriminelët, për një njeri që i ra derës dhe që nuk e kisha njohur kurrë, dhe e bën këtë se ndan favore me Edi Ramën dhe Erion Veliajn, mua m’u dha rasti që mbroj interesin e vendit tim nga kushdo, nga cilado mafie.

Ia kam thënë dhe ia them sot, ai ka vepruar fshehtas, unë veproj hapur.

Do e demaskoj dhe do e denoncoj atë sepse kështu mbroj edhe dinjitetin e qeverisë britanike.

Se ai shpif me ato që i kanë thënë Lulzim Basha dhe Erion Veliaj. Do i bëj publike”, është shprehur Berisha./CNA.al