web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Beqajt/ Meta e cilëson ngjarje banale

4 Korrik 2024, 17:43, Politikë CNA

Pas arrestimit të kësaj të enjte të ish-ministrit të Shëndetësisë, Ilir Beqaj, me urdhër të SPAK-ut, ka reaguar edhe kreu i PL-së, Ilir Meta.

I pyetur nga gazetarët se si e shihte këtë arrestim, Meta kërkoi të minimizonte ngjarjen, duke e cilësuar si banale.

Ai hodhi akuzat e përhershme në drejtim të SPAK-ut, se është drejtësi e dirigjuar nga kryeministri Rama.

“Nuk do të doja fare t’i kushtoja vëmendje kësaj ngjarje banale, në kuadër të drejtësisë me regji që komandon, dhe telekomandon Edi Rama. Sepse, konferenca e sotme, nuk kishte lidhje me ngjarjen e sotme. Po kishte lidhje me tryezën e djeshme, me kontributin që dhanë shumë profesionistë në fushën e shëndetësisë, dhe ekspertë të pavarur, për këtë situatë dramatike që përjetojnë qytetarët shqiptarë, me përkeqësimin e shërbimit shëndetësor. Dhe, të gjithë e dinë se çfarë mashtruesi, kryemashtruesi është Edi Rama, sidomos për sa i takon premtimit për shëndetësi falas.

Jo vetëm kaq, por dhe korrupsionit të tmerrshëm, në këtë sistem. Aq sa u pranua me shumë vonesë, që këtu qekan vjedhur dhe fondet e BE. Siç u zbulua dhe nga OLAF. që ishin vjedhur dhe fondet e bujqësisë të IPARD. që tani ka shkuar zero në këtë drejtim, mbështetja për fermerët.  Dhe të gjithë e kuptojnë, se çfarë ndodh me taksat e qytetarëve shqiptarë. Se si I vjedh ato në mënyrë të përbindshme Edi Rama, dhe konçensionet në shëndetësi, të cilat pothuajse janë të gjitha nën hetim.  Janë prova më e mirë për këtë.

Sa i takon këtij arrestimi! Të gjithë e dinë, se sa më shumë ish-ministra, apo ministra të Edi Ramës arrestohen, aq më në progresion gjeometrik shkon korrupsioni i Edi Ramës. Dhe gjithe thelbi i sistemit mbetet I paprekur. Thjesht bëhen disa koka turku, në bazë të regjive të bëra që më pare”, u shpreh kreu i PL-së.

Kujtojmë se vetë Meta është nën hetim nga Prokuroria e Pasaçme, pas një procedimi në bazë të dy kallëzimeve për një pagesë të bërë për një lobim në SHBA nga LSI.

Gjithashtu ata janë kallëzuar për disa pagesa të tjera të bëra për ndërhyrje kirurgjikale/estetike jashtë vendit. Ndaj tyre po bëhet edhe një verifikim pasuror./ CNA





Lajmet e fundit nga