web counter
LEXO PA REKLAMA!

SHKARKO APP

App Store
Google Play

Alibeaj “mbyll gojën” për skandalin me dokumentat false/ Merret me ligjin për lustracionin

9 Mars 2023, 18:04, Politikë CNA

Alibeaj “mbyll gojën” për skandalin me dokumentat false/

Enkelejd Alibeaj i grupit të vulës “ka mbyllur gojën” për skandalin me dokumentat false të dorëzuara në KQZ për regjistrimin në zgjedhje.

Në vend të japë shpjegime për autorizimin fals të Lulzim Bashës që nuk ka dhënë dorëheqjen zyrtarisht si kryetar i PD-së, Alibeaj ka bërë një status në rrjetet sociale, ku flet për ligjin për lustracionin.

Ai thotë se ligji për lustracionin është një iniciativë e nevojshme për shoqërinë shqiptare për të mos përsëritur të gabimet e të kaluarës.

“Ligji për lustracionin vazhdon të mbetet një iniciativë e nevojshme për shoqërinë shqiptare. Si i tillë çdo etiketim për përdorim politik apo hakmarrje nuk është i vërtetë dhe pengon rrugën drejt rivendosjes në vend të së vërtetës së mohuar, dinjitetit dhe pajtimit.

Kisha kënaqësinë që sot bashkë me përfaqësues të shoqërisë civile dhe të ish-të përndjekur politikë, të diskutonim hapur për nevojën e domosdoshme të këtij projektligji, pasuruar me këndvështrime dhe gjykime të ndryshme. Ky projektligj vjen pas vendimit historik të hapjes së dosjeve të ish-sigurimit të shtetit në diktaturën komuniste dhe është një hallkë në zinxhirin e munguar të dekomunistifikimit të Shqipërisë.

Grupi Parlamentar dhe Partia Demokratike ka për detyrë madhore hartimin e një ligji që brenda çdo standarti të sigurojë që e kaluara e errët të bëhet transparente e më tej të punohet që gabimet e së shkuarës të mos jenë prezent e të ndikojnë në vendimmarrjen e sotme. Duke e bërë këtë në bashkëpunim me publikun dhe me modele të njohura të asaj pjese të Europës që përjetoi komunizmin.

Nëse nuk mësojmë nga e kaluara, ajo rrezikon të përsëritet!”, shkruan Alibeaj./ CNA.al

Alibeaj “mbyll gojën” për skandalin me dokumentat false/





Lajmet e fundit nga