E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

14 Shtator 2017, kur Rusmali përmedi për herë të parë vallen e vdekjes që po kërcente PD

17 Qershor 2023, 12:47, Politikë CNA

14 Shtator 2017, kur Rusmali përmedi për herë të parë

Ilir Rusmali

Maji i 2017 mbahet mend si muaji i takimit të natës mes Edi Ramës dhe Lulzim Bashës.

Dhe nga ai takim doli marrëveshje e gjithëkomentuar edhe sot. Sali Berisha sot gërmon të gjejë armiq mes të gjithëve, por në atë kohë i vuri gjoksin Bashës duke e mbrojtur nga të gjithë dhe nga gjithçka.

Mes gjithë zërave që komentonin zhvillimet të PD, në atë kohë spikaste Ilir Rusmali, i cili paralajmëronte dërrmimin e PD-së.

I tërhequr nga komentimi në publik i zhvillimeve në PD-të e sotme dhe ndërsa ka zgjedhur si shumë të tjerë të merret me profesionin, CNA po risjell prononcimin dhe thirrjen e Rusmalit drejtuar Berishës në Shtator të 2017-ës.

I ftuar në RTSH, Ilir Rusmali, ekpert konstitucionalist, në një dalje të datës 14 Shtator 2017, iu përgjigj disa pyetjeve, midis të cilave edhe atyre që kishin të bënin me gjendjen në Partinë Demokratike.

Përsa i takon daljes më të fundit publike të ish- kryeministrit Sali Berisha dhe për të ardhmen e Partisë Demokratike, Rusmali u shpreh:

“Nuk ka krisje mes Bashës dhe Berishës.

Përtej kritikës së shfaqur nga ish-kryetari i Partisë, e cila nuk përbën surprizë, (duhet të kujtojmë se Berisha është i fundit jo i pari), Berisha u rreshtua shumë fort me dhe pas Bashës dhe në ndërhyrjen e tij ju tha dhe kundërshtarëve të zotit Basha, që ju nuk do jeni më në PD nëse do vazhdoni të mbani këtë qëndrim.

Në vlerësimin e gjendjes nga interesi i partisë dhe jo nga ai i kryetarit, zhvillimet nuk premtojnë për mirë.

PD ka nevojë për ndryshim rrënjesor dhe kjo nuk bëhet duke mbytur kritikën dhe duke larguar kritikuesit.

E ardhmja e të larguarve është e hapur.

E rëndësishme në diskutimin opozitar është shëndoshja e PD-së dhe këto sinjale nuk po vijnë.

Qëndrimi i Berishës nuk ndihmon!

Berisha duhet t’u kishte shpjeguar me qartësi demokratëvee se cila është vallja që po hedh tani kryetari i Partisë Demokratike. Nëse kjo është vallja e shpresës, apo vallja e vdekjes.

Sa kohë demokratët nuk janë të qartë, situata do vazhdojë të precipitojë.

Duhet konsideruar edhe një fakt tjetër! Situata që po kalon PD i ka krijuar disbalancim të gjithë politikës.

Nga njëra anë kemi performancë solide të mazhorancës dhe nga ana tjetër kemi një performancë shumë diletanteske të opozitës, dhe kjo reflektohet te dëshpërimi që po krijon tek mbështetësit”.

Pas 6 vjetësh, pas rrudhjes dhe copëzimit të pandalshëm të PD-së, gjithkush sot e ka të qartë se cila ishte vallja që po hiqte Basha.

Kurse Basha tani ka nisur të deklarojë se muzika në atë kohë luhej nga Berisha./ CNA.al