web counter
LEXO PA REKLAMA!

SHKARKO APP

App Store
Google Play

E fundit!

x

"Listat e deputetëve janë bërë nga bandat"/ Noka, në seancë plenare: Do ta mbrojmë këtë tempull

7 Nëntor 2024, 12:56, Politikë CNA
"Listat e deputetëve janë bërë nga bandat"/ Noka,
Sekretari i Përgjithshëm i PD-së, Flamur Noka

Gjatë fjalës së tij në Parlament, Sekretari i Përgjithshëm i PD-së, Flamur Noka, u shpreh se listat e deputetëve të mazhorancës janë bërë nga bandat.

Sipas tij, si Çyrbja, si Rraja, si e gjithë lista e Durrësit, është e gjithë lista këtu e mbledhur në Parlament.

Noka theksoi se Partia Demokratike është këtu për të mbrojtur këtë tempull të demokracisë nga përdhunimi dhe hajdutët.

"Taksat e shqiptarëve nuk shkojë për pensionet, por për tekat e sulltanit tuaj.

Ne jemi këtu t’u themi shqiptarëve se lista e Durrësit, ku Çyrbja emërohet me numër vendor nga bandat e Durrësit, ku Rraja emërohet me numër vendor nga bandat e Durrësit, dhe të gjithë me radhë...

Pra, bandat kanë bërë listat e deputetëve, kanë bërë edhe renditjen. E kemi thënë 10 vite rresht, por përgjimet e partnerëve e tregojnë këtë.

Ne jemi këtu për të mbrojtur këtë tempull të demokracisë nga përdhunimi, se e keni kthyer në tempull të hajdutërisë.

Sepse si Çyrbja, si Rraja, si e gjithë lista e Durrësit, është e gjithë lista këtu.

Pra, jemi për t’u thënë shqiptarëve se këtu ju me fakte dhe prova, me përgjime të dhëna nga partnerët, jeni një pjesë përfaqësues të krimit të organizuar, një pjesë tjetër përfaqësues të hajdutërisë.

Nuk meritoni të rrini në këto karrige. Ne jemi këtu në përmbushje të detyrës që na kanë caktuar qytetarët. Nuk jemi këtu se doni ju, se për shpirt ju nuk doni. Për shpirt ju doni monizëm sepse sulltani juaj eunukë dhe çingije do, nuk do njerëz që ta kundërshtojnë.

Jemi këtu për t’u çjerrë maskën. Qeveria teknike është e vetmja zgjidhje politike për këtë vend sepse bandat kanë vjedhur votat, bandat ju mbajnë në pushtet dhe nuk ju mban vota e shqiptarëve.

Rasti i listës së Durrësit është mjaft domethënës,” tha Noka./CNA





Lajmet e fundit nga