web counter
LEXO PA REKLAMA!

SHKARKO APP

App Store
Google Play

E fundit!

x

8 marsi, si respekt i çdo dite pa hipokrizi dhe urime false

8 Mars 2026, 20:00, Opinione Myslim Murrizi

8 marsi, si respekt i çdo dite pa hipokrizi dhe urime false

8 Marsi, në fakt, nuk është festë, por dita që simbolizon luftën e grave për të drejtat e tyre dhe ditë përkujtimore për protestat e grave punëtore të New York-ut në Amerikë.

Është një festë e organizuar nga Partia Socialiste e Amerikës në vitin 1909 dhe pastaj pasuar me një konferencë ndërkombëtare të grave socialiste në vitin 1910.
Si festë, e ka shpallur Lenini në vitin 1922 në kujtim të grave që kontribuan në revolucionin rus të vitit 1917.

Nga OKB-ja është zyrtarizuar si dita e gruas në vitin 1977.

Pra, në thelb, është një ditë që simbolizon një lëvizje politike të grave për të drejtat e tyre.
Por, meqë në mentalitetin komunist është quajtur si “festë” pa qenë festë zyrtare në fakt, edhe në 35 vitet e postkomunizmit nuk është festë zyrtare, përveç kur përkon dita e diel, si sot; atëherë pothuajse e gjithë politika e uron si “festë” në mënyrë hipokrite, pa pasur vullnetin që ta vendosë me ligj si festë zyrtare.

Në shumë vende të botës, gratë në çdo 8 mars dalin në protesta për më shumë të drejta dhe në kujtim të zanafillës së kësaj lëvizjeje për të drejtat e grave.

Gratë, nënat dhe vajzat nuk duhet të respektohen në mënyrë hipokrite me urime false dhe një tufë me lule ngjyra-ngjyra vetëm një ditë në vit, pra vetëm në 8 mars.

Respekti dhe vlerësimi për çdo grua, për çdo nënë dhe për çdo vajzë duhet të jetë gjithmonë, derisa kjo jetë të vazhdojë, sepse gratë mbajnë botën gjallë dhe nga duart e tyre është rritur e gjithë bota aq sa vite kjo botë ekziston mbi tokë.





09:29 Opinione Miron Çako

E Diela e Orthodoksisë

Pas kreshmimit pendimtar të javës së parë të Kreshmës së Mad...

Lajmet e fundit nga