web counter
LEXO PA REKLAMA!

SHKARKO APP

App Store
Google Play

E fundit!

x

Ylli i kinemasë franceze, Brigitte Bardot përgënjeshtron thashethemet: Jam mirë me shëndet, nuk kam ndërmend të iki

23 Tetor 2025, 17:41, Lifestyle CNA

Ylli i kinemasë franceze, Brigitte Bardot përgënjeshtron

Aktorja e famshme franceze, Brigitte Bardot përgenjështroi lajmin e publikuar nga disa blogerë se kishte ndërruar jetë.

 “Nuk e di kush është ai idiot që ka njoftuar sonte këtë lajm të rremë mbi “zhdukjen time”, por ta dini se unë jam mirë dhe nuk e kam ndërmend të vdes. E them këtë për ata që marrin vesh…”,-shkroi Bardot, në një postim në llogarinë e saj në 'X'. 

Fundjavën e kaluar, aktorja u kthye në shtëpi, pas një ndërhyrje kirurgjikale që e detyroi të qëndronte nën regjim spitalor në një spital në Toulon. 

Zëdhënësi i Brigitte Bardot njoftoi se ikona e kinemasë francëze iu nënshtrua një ndërhyrjeje të vogël kirurgjikale në spitalin Saint- Jea, e cila sipas tij shkoi mire.

"Ajo tani po pushon në shtëpi dhe nuk do t'u përgjigjet asnjë pyetjeje dhe falënderon të gjithë për respektimin e privatësisë dhe qetësisë së saj",-shtoi zëdhenësi i divës franceze.

91-vjeçarja Bardot hoqi dorë nga kinemaja në vitet 1970, për t'iu përkushtuar të drejtave të kafshëve. Ajo jeton midis rezidencës së saj të famshme “La Madrague”, në Saint-Tropez, në jug të Francës dhe të një shtëpie të dytë të fshehur në gjelbërim.

Majin e kaluar, në një intervistë me BFMTV, ajo tha se jetonte si një fermere e rrethuar nga delet, derrat, qentë, macet, gomari dhe poni i saj dhe nuk kishte as celular dhe as kompjuter./CNA

 

 

 

 

 

 

 

 

 

 

 

 

 

 

 





Lajmet e fundit nga