web counter
LEXO PA REKLAMA!

SHKARKO APP

App Store
Google Play

Akuzat për ngacmim seksual/ Sot gjyqi ndaj aktorit të njohur

24 Mars 2025, 09:19, Lifestyle CNA

Akuzat për ngacmim seksual/ Sot gjyqi ndaj aktorit të njohur

Aktori francez, Gerard Depardieu, do të dalë në gjyq ditën e sotme në Paris. Depardieu akuzohet për ngacmim seksual ndaj dy grave gjatë xhirimit të filmit “The Green Shutters” në vitin 2021.

76-vjeçari Depardieu akuzohet se ka sulmuar seksualisht një 34-vjeçare asistente regjisore dhe një 54-vjeçare, kostumografe në setin e xhirimit.

Prokurorët pretendojnë se Derpardieu ka bërë komente të turpshme dhe prekje të papërshtatshme ndaj dy grave, të cilat kanë bërë ankesa zyrtare. Identiteti i tyre nuk është bërë i ditur për të mbrojtur viktimat e sulmeve seksuale.

Aktori francez i mohon akuzat. Në një letër të hapur të botuar në vitin 2023 në Le Figaro, Depardieu shkruante: "Kurrë, por kurrë, nuk kam abuzuar me një grua".

Fillimisht gjyqi ndaj Depardieu-t ishte caktuar për në tetor të vitit 2024, por u shty për shkak të shëndetit të aktorit. Avokati i tij, Jérémie Assous, tha se aktori i ishte nënshtruar një bypass katërfish të zemrës dhe vuan nga diabeti. Një ekspert mjekësor i caktuar nga gjykata vendosi se ai ishte i aftë për t'u gjykuar. Ai pritet të marrë pjesë në seancën dyditore.

Aktori francez, Depardieu, një nga më të shquarit e filmit francez, është akuzuar edhe më parë për sjellje të pahijshme nga rreth 20 gra, por asnjë çështje nuk shkoi në gjykatë. Gjykata pritet të dëgjojë dëshmitë e dëshmitarëve gjatë gjykimit. Vendimi nuk pritet menjëherë./ CNA





Lajmet e fundit nga