web counter
LEXO PA REKLAMA!

SHKARKO APP

App Store
Google Play

E fundit!

x

Elegancë dhe luks/ Tapeti i kuq i “Paris fashion week” mahnit me veshjet e yjeve

5 Mars 2025, 18:07, Lifestyle CNA

Elegancë dhe luks/ Tapeti i kuq i “Paris fashion week” mahnit

Java e Modës në Paris ka nisur me një mbrëmje magjike në zemër të kryeqytetit francez.

“Le Grand Diner du Louvre” mblodhi disa nga emrat më të mëdhenj të modës dhe artit, jo vetëm për të festuar stilin, por edhe për një qëllim fisnik.

Të ardhurat nga eventi do të shkojnë për restaurimin e muzeut të Luvrit dhe mbështetjen e programeve të tij edukative.

Në tapetin e kuq, vëmendjen e rrëmbyen disa nga çiftet të veshur më bukur atë mbrëmjes.

Victoria dhe David Beckham spikatën me elegancën e tyre. Victoria me një fustan klasik të zi, ndërsa David me një kostum të errët të kombinuar me një shall të bardhë me thekë.

Victoria ndodhet në Paris në prag të prezantimit të koleksionit të saj të ri, ku nuk do të mungojë dhe përkrahjen nga bashkëshortit i saj.

Një paraqitje mbresëlënëse bëri edhe Gigi Hadid, e cila shkëlqeu me një fustan të me luspa ari dhe argjendi, ndërsa pozonte pranë piramidës ikonike të Luvrit.

Keira Knightley, gjithashtu një ndër të ftuarat, zgjodhi një fustan të zi me bust kadifeje dhe fund të fryrë, duke u shfaqur në event përkrah bashkëshortit të saj, James Righton.

Ndër të tjera, Rosie Huntington-Whiteley solli një interpretim elegant të ngjyrave klasike, e veshur me një fustan me temina, një dekolte të sofistikuar dhe një të çarë të guximshme.

Në këtë mbrëmje madhështore nuk munguan as supermodelet ikonike si Naomi Campbell, Tyra Banks dhe Ashley Graham, si dhe figura të njohura të kinemasë dhe industrisë së modës si Michelle Yeoh dhe Barbara Palvin.

Java e Modës në Paris, e cila mbyll sezonin e “katër javëve të mëdha” pas eventeve në Nju Jork, Londër dhe Milano, pritet të sjellë spektakël dhe prurje të reja nga dizajnerët më të njohur në botë./CNA

Më poshtë galeria e fotove:





Lajmet e fundit nga