web counter
LEXO PA REKLAMA!

SHKARKO APP

App Store
Google Play

Zbardhen detaje të reja nga vdekja misterioze e Gene Hackman dhe gruas së tij

7 Mars 2025, 21:21, Lifestyle CNA

Zbardhen detaje të reja nga vdekja misterioze e Gene Hackman dhe gruas

Autoritetet pritet të zbardhin të tjera detaje nga hetimi për vdekjen misterioze të aktorit Gene Hackman dhe bashkëshortes së tij, Betsy Arakawa, trupat e pajetë të të cilëve u gjendën në shtëpinë e tyre në New Mexico disa ditë më parë.

Zyra e sherifit të Santa Fe bëri me dije se testet për një helmim të mundshëm nga monoksidi i karbonit dolën negative. Sherifi Adan Mendoza dhe zyrtarët e zjarrëfikëses dhe mjekësisë ligjore pritet të japin të dhëna nga hetimet në një konferencë e paralajmëruar për t’u mbajtur pas disa orësh.

Sherifi Mendoza tha se çifti Hackam-Arakawa mund të kenë vdekur deri dy javë përpara se trupat e tyre të gjendeshin më 26 shkurt. Pacemaker-i i Hackman-it për herë të fundit tregoi aktivitet më 17 shkurt, nëntë ditë përpara se punonjësit e mirëmbajtjes dhe sigurisë të shfaqeshin në shtëpi dhe të lajmëronin policinë.

Bashkëshortes së Hackman, Betsy Arakawa iu gjet një shishe  me ilaçe e hapur dhe pilulat të shpërndara. Ndërsa aktori u gjet në hyrje të banesës. Gjithashtu u gjet i ngordhur dhe një nga tre qentë e çiftiti, në një raft në një prej banjove të shtëpisë.

Nga shtëpia e çiftit, autoritetet morën disa sende personale si agjenda apo telefonat për t’iu nënshtruar analizave, për t’i ndihmuar në përcaktimin e shkakut të vdekjes.

Hackman, një ikonë e Hollivudit, fitoi dy çmime Oscar-s gjatë karrierës së tij. Ai interpretoi në filma të njohur si “The French Connection”, “Hoosiers” dhe “Superman”. Një karrierë që nisi në vitet 1960 deri në pensionimin e tij në fillim të viteve 2000.

Arakawa, e lindur në Haëaii, studioi për pianiste, ndoqi Universitetin e Kalifornisë Jugore dhe u takua me Hackman në mesin e viteve 1980 ndërsa punonte në një palestër në Kaliforni./ CNA





Lajmet e fundit nga