“Arti i lumturisë"/ Si e ruajnë gëzimin njerëzit përtej sfidave të jetës?

12 Tetor 2024, 22:49, Kuriozitete CNA

“Arti i lumturisë"/ Si e ruajnë gëzimin njerëzit

Foto ilustruese

Në momentet tona të vështira, vëmë re njerëz që duken më të lumtur se ne, pavarësisht se mund të ndodhen në të njëjtat kushte. Po, pse ndodh kjo? Pengesat e përditshme përballohen ndryshe nga secili e dikush i kalon me një buzëqeshje, dikush tjetër mbytet në stres dhe negativitet. Për të zbuluar sekretin e lumturisë së qëndrueshme ka disa faktorë.

1. Lumturia vjen nga brenda

Njerëzit që qëndrojnë të lumtur edhe në kohë të vështira, kanë një filozofi të qartë: Lumturia nuk është e varur nga rrethanat e jashtme, por është një gjendje që ata vetë kontrollojnë. Ata e dinë se nuk mund të kontrollojnë gjithmonë atë që ndodh përreth tyre, por gjithmonë mund të kontrollojnë mënyrën si reagojnë ndaj asaj që ndodh.

2. Pranojnë emocionet e tyre

Njerëzit që arrijnë të qëndrojnë të lumtur, janë ata që e pranojnë të gjitha llojet e emocioneve, edhe ato të vështirat. Pranimi i emocioneve si trishtimi apo zhgënjimi i ndihmon ata të përballen me situatat më me qetësi dhe të lëvizin më shpejt drejt pozitivitetit.

Një person mund të ndihet i zhgënjyer nga një marrëdhënie e përfunduar, por në vend që të zhytet në këtë ndjenjë për një kohë të gjatë, ai e pranon, e përpunon dhe më pas kërkon mënyra për t’u përqendruar tek aspektet pozitive të jetës.

3. Nuk kërkojnë përsosmëri, por përparim

Perfeksioni është armiku i lumturisë. Njerëzit që janë gjithmonë të lumtur nuk e ndjekin përsosmërinë. Ata e dinë që të gjithë bëjmë gabime, që asgjë nuk është perfekte dhe që është në rregull të gabosh herë pas here. Në vend që të përpiqen për të qenë të përsosur, ata përqendrohen në përmirësimin e vazhdueshëm.

Kur diçka nuk shkon sipas planit, këta njerëz nuk e shohin si dështim, por si një mundësi për të mësuar diçka të re dhe për t’u përmirësuar herën tjetër.

4. Kanë mirënjohje të përditshme

Një nga sekretet më të mëdha të lumturisë është mirënjohja. Ata që janë gjithmonë të lumtur kanë zhvilluar zakonin e përqendrimit te gjërat pozitive, sado të vogla qofshin ato. Në vend që të ankohen për motin e keq, ata gjejnë kënaqësi në shijimin e një filxhani çaji të ngrohtë në shtëpi.

5. Ata përshtaten lehtë

Një nga arsyet pse këta njerëz qëndrojnë të lumtur është aftësia e tyre për t’u përshtatur. Ata janë elastikë dhe nuk frikësohen nga ndryshimi. Kur përballen me sfida, ata i përballojnë me qëndrim të hapur dhe shohin për mundësi të reja. Aftësia për të përshtatur mendësinë dhe veprimet me rrethanat është një aftësi jetësore që ndihmon në ruajtjen e lumturisë.

6. Ruajnë marrëdhënie pozitive dhe afatgjata

Njerëzit që mbeten gjithmonë të lumtur kanë një rreth të ngushtë dhe i kushtojnë rëndësi ruajtjes së marrëdhënieve pozitive. Ata investojnë kohë dhe energji në lidhjet e tyre, duke krijuar mbështetje emocionale të ndërsjellë me të tjerët.

Në kohë të vështira, këta njerëz nuk ngurrojnë të kërkojnë mbështetje nga miqtë apo familjarët, gjë që i ndihmon të përballojnë çdo sfidë më lehtë.