E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Nga Gjermania, për tur muzikor në Shqipëri

28 Gusht 2024, 14:47, Kulturë CNA

60 muzikantë të orkestrës së Wismarit në Gjermani kanë udhëtuar drejt Shqipërisë për një tur muzikor dhe për të njohur kulturën, njerëzit dhe vendin tonë.

Frider Weinhold, i cili drejton prej më shum se 30 vitesh një fondacion humanitar në Shqipëri, shprehet se orkestra ka performuar në Tiranë, Bishnicë dhe së fundmi në Pogradec, ndërsa krahas muzikës arsyeja përse i ka ftuar këtu është që të njohin njerëzit.

"Është një grup muzikor, i cili jep koncerte në shumë vende të botës dhe këtë vit vendosën të vijnë në Shqipëri dhe në Pogradec. Ky ansambël prej 60 personash është mbledhur posaçërisht për këtë tur. Grupi zhvilloi fillimisht një koncert në parkun 'Rinia' në Tiranë, më pas udhëtuan drejt Pogradecit, vizituan edhe Linin, udhëtuan më pas drejt Bishnicës sepse unë doja që ata të shikonin këtë pjesë të Shqipërisë sepse për ta është hera e parë këtu. Patën mundësinë të shohin Bishnicën, fshatrat dhe malet përreth", u shpreh Frider Weinhold.

Hartwig Kessler dhe Renate Menzel e vizitojnë për herë të parë vendin tonë dhe kultura e folklori i kanë mahnitur në Shqipëri, aq sa shprehën idenë se një grup muzikor duhet që së shpejti të shkojë për të performuar në Wismar të Gjermanisë.

"Këtu kemi gjetur një vend dhe njerëz të mrekullueshëm. Patëm mundësi të njihnim edhe vende të reja si Bishnica, patëm mundësinë të njohim fëmijët, njerëzit dhe të shohim mundësinë se si mund të ndihmojmë më shumë atje, por edhe u argëtuam dhe luajtëm futboll atje, si hera e parë për ne ishte fantastike. Shqipërinë e kam parë vetëm që nga Italia, nuk kisha qenë asnjëherë këtu. Shumë e rëndësishme ishte që të njihnim kulturën dhe folklorin shqiptar, të mësonim për të. Dhe më lindi ideja që ashtu si ne edhe një bandë muzikore shqiptare të vijnë në Gjermani, në Wismar dhe duam që bashkë me ta të luajmë muzikë folklorike. Mund të them që ishte një kohë fantastike dhe jemi shumë të kënaqur", tha ai.

Orkestra muzikore luan për më shumë se një orë muzikë të zhanrit hollivudiuan me muzikat më të njohur të filmave, ndërsa pas Pogradecit do të mbajnë një tjetër koncert në kryeqytet për t'u rikthyer më pas në Gjermani./CNA