web counter
LEXO PA REKLAMA!

SHKARKO APP

App Store
Google Play

E fundit!

x

Foto - Lumi i Shalës, xhevahiri i Shqipërisë që të lë pa "frymë"

21 Gusht 2024, 11:52, Kulturë CNA
Foto - Lumi i Shalës, xhevahiri i Shqipërisë që të
Lumi i Shalës

Lumi i Shalës, oazi i qetësisë dhe xhevahiri i trojeve tona shtrihet në Shqipërinë veriore.

Majat e larta dhe rrjedha e vrullshme e ujit të kaltër u ofron aventurierëve një panoramë nga ato që ngjajnë me Tajlandën e largët.

Burimi i lumit është në Alpet Shqiptare, pranë fshatit Theth, afër kufirit me Malin e Zi.

Kthjellësia e ujit është karakteristikë e këtij lumi, së bashku me shkëmbinjtë e thepisur, apo pemët e gjelbra që ofrojnë një peizazh magjepsës.

Përveç bukurive natyrore, kjo zonë njihet edhe për legjendat mesjetare.

Sipas gojëdhënave, princi Lekë Dukagjini i kaloi vitet e fundit të jetës në këtë zonë, ku gjen emërtime të tij, si për shembull “Guri i Lekës”, një pikë strategjike që sheh luginën, nga ku mendohej që Dukagjini ruante vendin nga ardhja e turqve.

Të gjitha këto kanë tërhequr vëmendjen e vizitorëve të pafundmë nga Shqipëria, por edhe nga të turistëve të huaj, duke e kthyer në një nga zonat më të pëlqyera.

Aventurierët e natyrës mund të shijojnë eksplorimin e zonës me varkë, ngjitjen në majat përreth me pamje spektakolare, si dhe zhytjen në ujin e freskët të lumit të Shalës. Aty ndodhet edhe një plazh i vogël ku freskohen vizitorët.

Ata më aventurierët, arrijnë të shijojnë këtë destinacion të ri duke ngulur çadrat e kampingut për një eksperiencë plotësisht individuale, rrethuar nga majat e larta, për të cilat vendasit tregojnë legjenda mesjetare.

Ne sot po sjellim disa foto nga kjo perlë e Shqipërisë, të cilat mund t’i shihni në galerinë e mëposhtme/ CNA





Lajmet e fundit nga