E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Luan Topçiu sjell librin “Poeti i vështirë Lasgush Poradeci”

20 Gusht 2024, 18:06, Kulturë CNA

Luan Topçiu sjell librin “Poeti i vështirë Lasgush

Luan Topciu

Mbrëmjen e djeshme është promovuar në qytetin e Pogradecit, libri "Poeti i vështirë Lasgush Poradeci" me autor Luan Topçiun.

Dhjetra dashamirës të letërsisë, profesorë, lexues, janë bërë bashkë në këtë promovim në ambjentet e bibliotekës Mitrush Kuteli.

Krahas disa vendeve europiane, promovimi u zhvillua edhe në vendlindjen e autorit Topçiu, ndërsa botimi vjen si një studim i mirëfilltë për veprën e të madhit Lasgush Poradeci, po ashtu dhe si një ribotim i veprave të tij.

Për autorin Luan Topçiu, ky libër vjen si një rrugëtim i gjatë në kurorëzimin e versionit të tretë, ndërsa ka përfshirë një studim shumëdimensional të veprës së Lasgushit, duke mos u kufizuar vetëm në të dhëna biografike të tij.

"Libri është një rrugë e gjatë për të kurorëzuar version e tretë. Është nje studim shumëdimensional, nuk jam kufizuar vetem tek të dhëna biografike, vepra e tij është më e rendësishme dje teksti poetik më i rëndësishëm se sa jeta e tij sepse në fund të fundit mbetet veçra me kalimin e brezave. Njerëzit do të harrojnë detaje mbi jetën e individit, aq sa dimë ne për Balzakun sot. Mendoj se është një libër i dobishëm për profesorët e letërisë, për studentët, për njerëzit që e duan kulturën dhe letërsinë e padyshim ata që e duan Lasgush Poradecin dhe njohin poezinë e tij", tha Topçiu.

Për redaktorin e librit, Andreas Dushi, ky libër është një model i ri mbi studimin e letërsisë si edhe një qasje e re për poezinë e Lasgushit. Të dhënat dhe faktet lidhur me personalitetin e individit janë lënë pas, ndërsa fokusi në këtë libër është pikërisht tek vepra madhështore e Lasgushit.

"Kam patur fatin të jem redaktor i librit dhe ndër miqtë e profesorit Luanit që e nxitën për ta ribotuar pasi i mungonte prej vitesh. Është rastësi për dy arsye pasi trajton një qasje të re per poezinë e veprën e Lasgushit dhe e dyta sepse ofron nje model të ri në studimin e letërsisë. Një model studimi tërësor që nuk merret me formën e me përmbajtejen por edhe me thelbin e vetë poezisë. Ai tekst mund të jetë edhe një libër i letërsisë së krahasuar po ashtu edhe një studim i mëvetshëm mbi letërsinë shqipe dhe mbi rastin e Lasgushit në tërësi. Lasgushi shihet gjithmonë në kontekstin e letërsisë shqipe dhe në kontekstin e letërsisë europiane vetem si poet duke u shmangur nga të gjitha të dhënat ose faktet jashtëletrare që mund të lidhen me personalitetin e tij", u shpreh ai.

Luan Topçiu prej 30 vitesh jep kontributin e tij akademik në Rumani, ndërsa më herët janë promovuar versione të këtij libri edhe në këtë shtet. Autori ndër të tjera është edhe përkthyes në rumanisht të disa prej veprave të Lasgush Poradecit./ CNA