web counter
LEXO PA REKLAMA!

SHKARKO APP

App Store
Google Play

E fundit!

x

Letërsia e humorit bashkon autorët në Korçë/ Nis konkursi mbarëkombëtar “Niko Nikolla”

14 Dhjetor 2025, 13:37, Kulturë CNA

Letërsia e humorit bashkon autorët në Korçë/ Nis

Në qytetin e Korçës ka nisur Konkursi i Tretë Mbarëkombëtar i Letërsisë së Humorít “Niko Nikolla”, një event kulturor që synon promovimin dhe ngritjen e nivelit të letërsisë humoristike shqiptare.

Në këtë edicion marrin pjesë 31 autorë, kryesisht nga Shqipëria, por edhe nga Kosova, Presheva, Serbia, Gjermania dhe Italia, në gjini si proza, poezia, komedia dhe satira. Aktiviteti u shoqërua edhe me një minipanair libri, ku autorët prezantuan veprat e tyre.

Organizatorja e eventit, Flora Nikolla, u shpreh se ky aktivitet përfaqëson një udhëtim të veçantë për autorët dhe dashamirësit e humorit, duke e kthyer Korçën në një pikë takimi të shkrimtarëve të këtij zhanri. Sipas saj, qëllimi kryesor i konkursit është krijimi i një harte të autorëve shqiptarë që kultivojnë letërsinë e humorit, si dhe vlerësimi i punës dhe sakrificave që ata bëjnë deri në botimin e veprave të tyre.

Letërsia e humorit bashkon autorët në Korçë/ Nis

"Është një rrugëtim i gjatë dhe i Konkursit të tretë Mbarëkombëtar të Letërsisë së humorit. Kemi kënaqësinë që e sjellim në qytetin e mrekullueshëm të Korçës. Qëllimi kryesor i realizimit të këtij eventi është ngritja në një shkallë më të lartë të nivelit të letërsisë së humorit. Donim të bënim një hartë të shkruesve shqiptarë të kësaj lloj letërsie. Në këtë konkurs marrin pjesë 31 autorë, pjesa më e madhe nga Shqipëria, në gjininë e prozës, poezisë, edhe shumë komedi. Ka pjesëmarrës nga Presheva, Serbia, Kosova, Gjermania, Italia, pra jemi munduar të krijojmë një hartë të kësaj letërsie. Gjithashtu kemi edhe një minipanair ku autorët sollën veprat e tyre që ata të ndihen të vlerësuar për shkak të sakrificave të mëdha që bëjnë deri në botimin e tyre, me pasion e këmbëngulje duke vazhduar traditën e humorit",-tha Nikolla.

Letërsia e humorit bashkon autorët në Korçë/ Nis

Pjesëmarrës në konkurs ishte edhe artisti i mirënjohur Bujar Kapexhiu, i cili prezantoi librin e tij “Poezi edhe humor dhe satirë”. Ai theksoi se humori është një nga zhanret më të vështira të artit, por njëkohësisht edhe më i preferuari nga publiku, pasi përmes buzëqeshjes përcjell mesazhe dhe godet problematika sociale.

"Është kënaqësi për mua që jam sot në Korçë. Organizohet festivali i humorit për letërsinë, prozën, fabulën, poezinë. Humori është zhanri më i vështirë i artit ndaj duke parë këtë stendë me libra, jam i kënaqur sepse prodhohet. Ka njerëz që merren me humorin, që shkruajnë, që mendojnë për humorin e satirën e për t'i dhënë lexuesit jo vetëm buzëqeshje, por nëpërmjet shkrimeve t'i japin edhe mesazhin, problematikën që ata e godasin, e sigmatizojnë. Arti i humorit është i preferuar në skenë, në art, në letërsi, dhe ne që merremi me humorin kemi kënaqësinë që spektatorët më e pakta buzëqeshin kur marrin veprat tona",-tha Kapexhiu.

Letërsia e humorit bashkon autorët në Korçë/ Nis

Eventi përfshiu edhe artet pamore, me pjesëmarrjen e karikaturistit Endri Beqo, i cili solli punime me tema sociale dhe aktuale. Në karikaturat e tij, Beqo trajtoi mungesën e paqes dhe vuajtjet njerëzore të shkaktuara nga konfliktet në botë, duke reflektuar realitetin përmes artit të humorit dhe satirës.

"Unë jam nga Tirana dhe kam mbaruar artet figurative, zhvilloj karikaturën me tema sociale dhe shpreh energjinë time në problematikat aktuale në botë. Arti vërtet po zbehet por unë jam duke u marrë me art dhe po përpiqem të eci në këtë rrugë. Sot në karikaturat e mia kam sjellë një botë që është duke qarë, pasi nuk ka paqe. Ju i shihni vetë që ka luftë në Ukrainë, Palestinë dhe unë kam shprehur diçka rreth vuajtjes dhe të vërtetës së hidhur që tregohet",-tha Beqo.

Letërsia e humorit bashkon autorët në Korçë/ Nis

Konkursi i tretë Mbarëkombëtar i Letërsisë së Humorit “Niko Nikolla”, që po zhvillohet në ambientet e Teatrit “Andon Zako Çajupi” në Korçë, do të zgjasë deri më 15 dhjetor, duke mbledhur autorë nga trevat shqiptare dhe diaspora.

Aktiviteti do të mbyllet me ceremoninë e ndarjes së çmimeve në ditën e fundit, ku do të vlerësohen krijimet më të spikatura në prozë, poezi, komedi dhe satirë, duke konfirmuar rëndësinë e humorit, si një formë arti dhe reflektimi shoqëror./CNA





22:47 Kulturë

Pusi i Tophanës

Pusi i Tophanës është një monument që i përket shekullit t...

Lajmet e fundit nga