web counter
LEXO PA REKLAMA!

SHKARKO APP

App Store
Google Play

E fundit!

x

Flet dëshmitari/ Si e qëlloi me armë Erion Hasanbelli Kasandër Nogën në Belgjikë

13 Qershor 2022, 20:15, Kronika CNA
Flet dëshmitari/ Si e qëlloi me armë Erion Hasanbelli
Kasandër Noga

Dalin detaje të reja nga konflikti mes Kasandër Nogës dhe Erion Hasanbellit, pasi ky i fundit mbeti i plagosur në Bruksel nga një atentat.

Hasanbelliu ndodhet edhe një akuzë për plagosjen e Nogës në vitin 2002, në Belgjikë, ndërsa këtë ngjarje e ka zbardhur administratori i barit “Pre-Historie”, ku ndodhi ngjarja.

Sipas deklaratës që ka dhënë administratori Dilen Yakup, në 17 mars të 2002-shit, autori i plagosjes së Nogës ka qenë i veshur me një xhaketë bezhë.

“Personi me xhaketë bezhë nxori një pistoletë të zezë. Duke qëlluar ai u largua nga dera e jashtme. Ky që qëlloi u ndoq nga personi me xhaketë të zezë lëkure që nuk kishte arme… Personi me xhaketë bezhë ka qenë rreth 175 cm. me flokë të shkurtra, bjond, i ri ndërmjet 20 dhe 40 vjec.

Personi me xhaketë të zeze ishte rreth 170 cm. me flokë të zi dhe mjekër të zezë, ndërmjet 20 dhe 40 vjeç. Unë nuk i kam parë kriminelët dhe viktimat të flasin në celular. Kriminelët nuk e paguan porosinë”, ka treguar Yakup, raporton BW.

Në 20 mars të po këtij viti, administratori i Barit ka identifikuar mes 16 fotove Erion Hasanbellit si autor të plagosjes.

“Më datë 20.03.2002 dëshmitari Dilen Jakup i është bërë një paraqitje për njohje me 16 fotografi të personave të ndryshëm. Sipas procesverbalit të mbajtur për këtë veprim rezulton se dëshmitari Dilen Yakup ka njohur të pandehurin Erion Hasanbelli (Jani Sotiri) si personi me xhaketë bezhë që qëlloi në ngjarjen e datës 17.03.2002, ku mbeti i vrarë shtetasi Julian Çela dhe u plagos shtetasi Kasandër Noga”, thuhet në dosjen e kësaj ngjarjeje.

Konretisht dëshmitari Yakup  ka deklaruar: “Unë e njoha menjëherë foton nr. 10 dhe jam njëqind për qind i sigurt se ky është personi që më datë 17 mars pasdite filloi të qëllonte në kafen time. Ky është krimineli. Kriminelin e dytë nuk e pashë shumë mirë, atë e pashë shumë pak”.

Ndërkohë, mediat belge shkruajnë se Noga dyshohet të jetë autor i atentatit të ditës së djeshme ndaj Hasanbellit, ku ky i fundit mori 6 plumba në shpinë dhe në këmbë.

Mendohet se atentati ndaj Hasanbellit mund të ketë ardhur si pasojë e gjakmarrjes./ B.A. – CNA.al





Lajmet e fundit nga