web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e biznesmenit italian në Tepelenë/ Gazetari: Autori mori një armë me dylbi, gëzhojat nuk u gjetën në vendngjarje

30 Shtator 2025, 22:04, Kronika CNA

Vrasja e biznesmenit italian në Tepelenë/ Gazetari: Autori mori

Gazetari Eni Ferhati zbuloi sot detaje nga vrasja e biznesmenit italian Edoardo Sarchi, disa ditë më parë në fshatin Salari të Tepelenës.

I ftuar në emisionin “Now” me Erla Mëhillin, Ferhati tregoi se autori i vrasjes kishte shkuar në stanin e vet, ku kishte marrë një armë me dylbi, të përshtatshme për tu përdorur edhe gjatë natës.

Gazetari tha se gëzhojat nga të shtënat nuk u gjetën në vendin e ngjarjes ku u vra biznesmeni italian.

Ferhati shtoi se nga ngjarja janë rrezikuar edhe dy dëshmitarë për shkak të afërsisë me plumbat.

“Tani është më se e qartë edhe për grupin hetimor, edhe për familjen e biznesmenit edhe mediat italiane që në fillim dyshuan për një ngjarje enigmatike edhe për shkak të moskoordinimit të një komunikimi zyrtar të policisë vendore që la vend për spekulim. Kemi të bëjmë me një ngjarje tipike histori shqiptare, se një person të qëllon ndaj disa të tjerëve me karabinë vetëm pse u konfliktua verbalisht për dritat e gjata, ndoshta edhe nën efektin e alkooli.

Nga të shtënat është rrezikuar edhe jeta e disa banorëve të zonës që gjithashtu kishin dalë për gjueti. Biznesmeni italian kishte shkuar në një stan në Salari ku kanë konsumuar edhe pije alkoolike dhe kanë vendosur që biznesmeni italian dhe Eqerem Braçe të qëndronin në stan, ndërsa djemtë e Braçes kanë lëvizur për gjueti. Një moment iu ka mbaruar karburanti, por djemtë e Braçes kanë shkëmbyer me automjetin e autorit, për shkak të dritave të gjata, kanë debatuar verbalisht dhe kanë lajmëruar shtetasin italian dhe Eqerem Braçen se u ka mbaruar karburanti dhe këta kanë shkuar për ndihmë.

Autori ka shkuar në stanin e vet ku ka marrë një armë, me dylbi, që mund të përdoret natën. As gëzhojat nuk u gjetën në vendngjarje, në këtë moment aty ka qenë shtetasi italian, janë dëgjuar vetëm të shtëna, janë disa të shtëna. Edhe dy dëshmitarë kanë dëshmuar se janë rrezikuar nga të shtënat dhe një nga plumbat ka qenë fatal në pjesën e kofshës, ka prekur një arterie kryesore. Ndoshta mund të kishte shpëtuar nëse do kishte pasur ndihmë më shpejt”,-tha gazetari./CNA





Lajmet e fundit nga