web counter
LEXO PA REKLAMA!

SHKARKO APP

Vrasja e biznesmenit italian në Tepelenë/ Dorëzohet autori i dyshuar i ngjarjes

16 Tetor 2025, 12:32, Kronika CNA

Vrasja e biznesmenit italian në Tepelenë/ Dorëzohet autori i

Dorëzohet në polici autori i vrasjes së biznesmenit italian, Edoardo Sarchi, në Tepelenë.

Mediat raportojnë se autori i dyshuar, Kamber Sulçe, është paraqitur në policinë e Gjirokastrës.

Bëhet me dije se 48-vjeçari ka dorëzuar edhe armën e krimit.

 “Ai qëllonte në ajër në mënyrë të përsëritur, ndërsa na shante nga distanca. Në një moment nisi të qëllonte në drejtimin tonë dhe ne u shpërndamë. Eduardo shkoi të mbyllte derën e makinës së babit tim, që autori të mos e shihte. Fillimisht mbylli derën e shoferit, pastaj u përkul për të mbyllur derën e pasagjerit, kur u qëllua dhe u godit fatalisht. Ne u shtrimë barkas dhe qëndruam ashtu derisa mbërriti policia”, ka deklaruar një dëshmitar i ngjarjes.

Biznesmeni italian u qëllua për vdekje nga një distancë prej rreth 120 metrash, më 26 shtator. 

Bazuar në dosjen hetimore, motivi i vrasjes ka nisur nga një konflikt banal për dritat e gjata të makinës, mes autorit të dyshuar dhe djalit të ortakut të biznesmenit italian./CNA





Lajmet e fundit nga