web counter
LEXO PA REKLAMA!

SHKARKO APP

App Store
Google Play

E fundit!

x

Vodhën xhirot ditore të 2 subjekteve/ Dy persona në pranga për krime ekonomike në Tiranë

14 Tetor 2025, 13:55, Kronika CNA

Vodhën xhirot ditore të 2 subjekteve/ Dy persona në pranga

Lokalizohen në Tiranë, kapen dhe vihen në pranga 2 shtetas të kërkuar për krime ekonomike. Të dy shtetasit e ndaluar rezultojnë me precedentë penal.

Të arrestuarit janë një shtetas 35-vjeçar dhe një shtetas 34-vjeçar.

Dyshohet se këta shtetas kanë vjedhur xhirot ditore të dy subjekteve, por edhe para në banesa, si edhe sende me vlerë.

Njoftimi i Policisë:

Shërbimet e Drejtorisë Vendore të Policisë Tiranë, si rezultat i kontrolleve periodike dhe atyre të kryera në bazë të informacioneve të siguruara në rrugë operative, finalizuan operacionin “Penaliteti”, në kuadër të të cilit:

-shërbimet e Komisariatit të Policisë Nr. 6 ndaluan shtetasin e shpallur në kërkim, Z. Sh.(Rr.), 35 vjeç (me precedent jashtë vendit, për krime ekonomike dhe krime kundër personit), pasi dyshohet se ka vjedhur para dhe sende me vlerë, në disa banesa dhe subjekte;

-shërbimet e Komisariatit të Policisë Nr. 3 ndaluan shtetasin e shpallur në kërkim, M. V., 34 vjeç (me precedent për vjedhje), pasi gjatë muajit shtator 2025, dyshohet se ka vjedhur xhirot ditore në 2 subjekte (në njërin prej të cilëve, ishte i punësuar);

Materialet procedurale iu referuan Prokurorisë së Tiranës, për veprime të mëtejshme./CNA





Lajmet e fundit nga