web counter
LEXO PA REKLAMA!

SHKARKO APP

App Store
Google Play

Kultivim kanabisi dhe armë pa leje/ AMP arreston punonjësin e policisë në Fushë-Krujë

11 Tetor 2025, 20:50, Kronika CNA

Kultivim kanabisi dhe armë pa leje/ AMP arreston punonjësin e

Agjencia e Mbikqyrjes Policore (AMP) ka arrestuar një punonjës policie të komisariatit të Fushë-Krujës.

Raportohet se efektivi dyshohet për kultivim kanabisi dhe i janë gjetur edhe armë pa leje.

Gjatë operacionit të zhvilluar nga AMP, shtetasit të arrestuar me inicialet E. L., i janë gjetur prova të aktiviteteve të paligjshme, duke përfshirë kanabis dhe armë të mbajtura në mënyrë të paligjshme.

Njoftimi i plotë nga AMP: 

Agjencia e Mbikëqyrjes Policore (Rajoni Durrës - Kavajë) në bashkëpunim me Komisariatin e Policisë Krujë dhe DVP Tiranë, nën drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Tiranë, ka arrestuar në flagrancë punonjësin e policisë E. L., me detyrë Trupë shërbimi / Patrullë e Përgjithshme në Komisariatin e Policisë Fushë - Krujë i dyshuar për kryerjen e veprave penale “ Kultivim i bimëve narkotike” dhe “Prodhim dhe mbajtje pa leje e armëve luftarake”.

Arrestimi i tij u bë i mundur në kuadër të operacionit të koduar “Bashkëpunimi”, ku nga hetimet proaktive me metoda speciale dyshohet se pununonjësi i policisë në bashkëpunim me vëllain e tij Ç. L., (i shpallur në kërkim), rreth orës 11:30 kanë qenë të pranishëm në një zonë pyjore në Njësinë Administrative Cudhi, Krujë, ku janë konstatuar parcela me 65 bimë narkotike të dyshuar “Cannabis Sattiva”. Pasi kanë konstatuar praninë e policisë janë larguar për ti shpëtuar kapjes.

Nga kontrolli fizik iu gjetën dy armë zjarri tip pistoletë të markës “TT” dhe një sasi fishekë. Gjatë kontrollit të banesës gjithashtu u gjet një sasi tjetër me fishekë, të cilët u sekuestruan në cilësinë e provës materiale.

Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë./CNA





Lajmet e fundit nga