web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar/ Arrestohet 38-vjeçari i dënuar me 10 vite burg

10 Tetor 2025, 13:36, Kronika CNA

Në kërkim ndërkombëtar/ Arrestohet 38-vjeçari i

Policia e Vlorës ka vënë në pranga një 38-vjeçar të shpallur në kërkim ndërkombëtar nga Italia.

Është arrestuar A. K., i cili është dënuar me 10 vite burg nga Gjykata e Apelit të Firences, për trafik narkotikësh.

Arrestimi i tij u bë me qëllim ekstradimin drejt Italisë.

 

Njoftimi i policisë

DVP Vlorë/Finalizohet operacioni policor i koduar “Ombra”, për kapjen e një shtetasi të shpallur në kërkim ndërkombëtar, për llogari të Italisë.

I dënuar nga autoritetet italiane me 10 vite burgim, për veprimtari kriminale në fushën e narkotikëve, lokalizohet dhe vihet në pranga 38-vjeçari, i shpallur në kërkim ndërkombëtar, me qëllim ekstradimi drejt Italisë.

Seksioni për Hetimin e Narkotikëve, në bashkëpunim me Seksionin Operacional në DVP Vlorë, në vijim të punës për lokalizimin dhe kapjen e shtetasve të shpallur në kërkim ndërkombëtar, bazuar në informacionet e siguruara si dhe në bashkëpunim me zyrat homologe të Interpolit, organizuan dhe finalizuan operacionin policor të koduar “Ombra”.

Si rezultat, në lagjen “Kushtrimi”, u bë kapja dhe arrestimi provizor, me qëllim ekstradimi drejt Italisë, i shtetasit:

• Adjol Kushtaj, 38 vjeç, banues në Vlorë.

Ky shtetas ishte i shpallur në kërkim ndërkombëtar, pasi Gjykata e Apelit Firence, Itali, me vendimin e  datës 23.11.2023, e ka dënuar me 10 vite burgim, për veprat penale “Kultivim i bimëve narkotike”, “Prodhim, mbajtje dhe shitje e lëndëve narkotike”, “Trafikim i narkotikëve” dhe “Krim i kryer në bashkëpunim”, sipas Legjislacionit Penal Italian dhe Ligjit për Narkotikët.

Interpol Tirana dhe Interpol Roma vijojnë bashkëpunimin për procedurat e mëtejshme të ekstradimit.





Lajmet e fundit nga