web counter
LEXO PA REKLAMA!

SHKARKO APP

App Store
Google Play

E fundit!

x

Aksion antidrogë në Mirditë/ Sekuestrohen 40 kg kanabis, arrestohen tre persona

15 Tetor 2025, 09:50, Kronika CNA

Policia vijon operacionin e koduar “Processing” në Mirditë për goditjen ndaj narkotivëve.

Policia ka vënë në pranga tre shtetas, dy prej tyre vëllezër, si dhe ka sekuestruar 40 kg lëndë të dyshuar narkotike kanabis në proces tharjeje, 4 automjete dhe 5 celularë.

Nga hetimet janë identifikuar shtetasit M. Z. dhe E. Z. (vëllezër) dhe A. R., të cilët dyshohet se kanë kultivuar bimë narkotike dhe kanë prodhuar lëndë narkotike, me qëllim shitjen, në bashkëpunim me shtetasit P. M. dhe K. P., të arrestuar 1 javë më parë, në kuadër të fazës së parë të operacionit të koduar “Processing”, gjatë së cilës u sekuestruan rreth 33.7 kilogramë lëndë narkotike kanabis sativa, si dhe u asgjësuan 220 bimë narkotike të kultivuara në fshatin Shtuf, Mirditë.

Gjatë fazës së dytë, shërbimet e Policisë kanë gjetur afër një banese të vjetër në fshatin Shëngjergj, Mirditë, dhe kanë sekuestruar rreth 40 kilogramë lëndë të dyshuar narkotike kanabis sativa, në proces tharjeje, 4 automjete dhe 5 celularë që dyshohet se përdoreshin nga autorët për veprimtarinë kriminale.

Në përfundim të veprimeve hetimore u arrestuan në flagrancë shtetasit: A. R., 33 vjeç, banues në Mirditë; M. Z., 34 vjeç, banues në Mirditë; dhe E. Z., 38 vjeç, banues në Mirditë.

Operacioni policor i koduar “Processing” vijon me qëllim identifikimin dhe kapjen e shtetasve të tjerë që mund të jenë të përfshirë në këtë veprimtari kriminale./ CNA





Lajmet e fundit nga