web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të kalonte kufirin me 194 mijë euro të padeklaruara/ Procedohet izraeliti

7 Qershor 2025, 13:04, Kronika CNA

Tentoi të kalonte kufirin me 194 mijë euro të padeklaruara/

Në doganën e Rinasit është konstatuar një shumë monetare e padeklaruar nga një shtetas izraelit.

45-vjeçarit gjatë kontrollit në vijën  e dytë iu gjetën 194.000 euro që synonte t’i nxirrte të padeklaruara nga kufiri i Shqipërisë.

Për këtë rast, prokuroria nisi procedim penal në gjendje të lirë për 45-vjeçarin.

 

Njoftimi i policisë

PKK Rinas

Kontrolle të shtuara nga shërbimet e Policisë Kufitare Rinas, për parandalimin dhe goditjen e krimeve ndërkufitare.

Tentoi të dalë nga Republika e Shqipërisë me 194.000 euro të padeklaruara, procedohet penalisht 45-vjeçari izraelit.

Sekuestrohet shuma e parave.

Si rezultat i kontrolleve të imtësishme në hyrje/dalje të vendit, me objektiv parandalimin dhe konstatimin e paligjshmërive në kufi, shërbimet e Policisë Kufitare të Rinasit, në bashkëpunim me shërbimet doganore, kanë goditur një tjetër rast të mosdeklarimit në pikën e kalimit kufitar, të shumave të konsiderueshme të parave.

Për këtë rast u referuan materialet në Prokurori, ku nisi procedimi në gjendje të lirë për shtetasin V. Y., 45 vjeç, me shtetësi izraelite, të cilit gjatë kontrollit në vijën e dytë iu gjetën 194.000 euro që synonte të dilte nga Republika e Shqipërisë pa i deklaruar konform ligjit.

Materialet procedurale iu referuan Prokurorisë së Tiranës, për veprime të mëtejshme./ CNA





Lajmet e fundit nga