Plumbi i Artë/ Zbardhen dëshmitë e Alibejt: Abedin Mama kishte takuar Ardi Veliun dhe Tonin Vocajn

5 Qershor 2025, 11:39, Kronika CNA

Plumbi i Artë/ Zbardhen dëshmitë e Alibejt: Abedin Mama kishte

Zbardhen dëshmitë e Erjon Alibejt në seancën gjyqësore në kuadër të hetimeve për dosjen “Plumbi i Artë”.

Alibej ka rrëfyer se kishte akses në sistemin TIMS dhe se kontrollonte gjithçka që donte, të gjitha hyrjet dhe daljet e emrave që donte të verifikonte duke nisur nga Çopajt, Qosja dhe Dumani.

Në dëshminë e tij Alibej ka theksuar se, po humbte besimin tek institucionet e drejtësisë në Elbasan.

Ai përmend se Abedin Mama kishte bërë një takim në Elbasan me Ardi Veliun dhe Tonin Vocajn dhe kjo i përputhej dhe me lëvizjen e drejtorëve.

"Ardian Çollaku donte të lidhte kontakte. Prej tij unë kam marrë vesh për herë të parë se kush ishte Dashnor Dumani. Ai më tregoi se vëllai i tij kishte grabitur një kambist në lagjen Kala.

Unë kisha sistemin TIMS që kontrolloja gjithë çka doja. Të gjithë këta emrat nisa t’i identifiko j. I kisha me foto dhe gjithë hyrje daljet e tyre. Të gjithë, nga Çopjat, Qosja, Dumani.

Po grumbulloja shumë informacion. Jo se po harroja Suel Çelën. Ai kujtonte se më kishte lënë në gjumë, por unë nuk kam fjetur asnjëherë të vetme.

Madje, mendoj se unë e kam lënë Suel Çelën në gjumë. Unë po humbja besimin tek institucionet e drejtesisë në Elbasan.

Mësoj se Abedin Mama ka bërë një takim në Elbasan me Ardi Veliun dhe Tonin Vocajn. Kjo mu përputh edhe me ndërrimin e drejtorëve.E mora si informacion”, ka thënë Alibej.

Më tej, ai dëshmon se të gjitha informacionet që ka mbledhur në lidhje me ngjarjen tronditëse, vrasjen e familjarëve të tij ia ka vënë në dispozicion drejtësisë.

“Ndërkohë kërkoja për ekzekutorët e familjarëve të mi. E kam bërë vetë hetuesin, prokurorin, gjyqtarin. I kam vënë në dispozicion drejtësisë të gjitha infot e mia.

Pasi jam vetëdorëzuar, i pari që kam informuar ka qenë Leonard Palushi.

Në paraburgim më vjen prokurori, që më akuzonte për Xhoni Rustën, Ridvan Suka. I tregova gjithë ca dija, pasi ai kishte edhe hetimin e vrasjes së familjarëve të mi.

Unë nuk doja t’i hyja luftës, pasi kisha shumë familje që i kishin të gjithë sytë tek unë”, ka thënë Alibej./ CNA