web counter
LEXO PA REKLAMA!

SHKARKO APP

App Store
Google Play

"E qëllova nga mbrapa, ika me vrap nga burgu i Bënçes, rashë në ferra"/ Artan Tafani rrëfen vrasjen e Çajup Selimit

4 Qershor 2025, 14:36, Kronika CNA

"E qëllova nga mbrapa, ika me vrap nga burgu i Bënçes,

I penduari i drejtësisë, Artan Tafani, ka dëshmuar sot në GJKKO lidhur me aktivitetin kriminal të Laert Haxhiut.

Artan Tafani ka rrëfyer për vrasjen e Çajup Selimit, ngjarje që ndodhi në Tepelenë.

Ai u shpreh se Selimin e ka qëlluar nga mbrapa tri herë në hyrje të pallatit të tij.

Pas krimit ai ka rrëfyer se është larguar në drejtim të burgut të Bënçes dhe gjatë rrugës kishte rënë në ferra.

“Pasi arrita te pallati ku banonte Çajupi, qëndrova pranë hyrjes. Dëgjova një makinë që më dukej si ajo që përdorte ai – një 'Benz'. Ishim ballë për ballë. Unë mbaja maskë COVID-i dhe një kapele. Ai më pa me dyshim.

U fut në hyrje dhe nisi të ngjitej, te kati i parë, pastaj të dytin. Unë e ndoqa nga pas. Ishte tullac dhe e njihja mirë, madje edhe çfarë kishte veshur atë ditë – një bluzë të kuqe. E qëllova nga pas, tri herë. Një herë në shpatull dhe dy herë të tjera – nuk jam i sigurt ku e kapën plumbat.

Më pas u largova me vrap në drejtim të burgut të Bënçës. Rrugës rashë në ca ferra, jashtë qytetit. Armën e kisha ende me vete – një Beretta e vogël, me silenciator. Po përpiqesha të gjeja rrugicën që më nxirrte në lumin Vjosë, aty ku sipas planit do më priste Ligori”, ka thënë në dëshminë e tij Tafani./ CNA





Lajmet e fundit nga