web counter
LEXO PA REKLAMA!

SHKARKO APP

App Store
Google Play

Tentoi të kalonte 29 emigrantë të paligjshëm në kufi/ E pëson keq 30-vjeçari

10 Shtator 2023, 14:24, Kronika CNA

Tentoi të kalonte 29 emigrantë të paligjshëm në kufi/ E

Policia ka arrestuar shtetasin me inicialet F.Q, 30 vjeç, pasi ka tentuar që me automjetin e tij (furgon) të kalojë në kufi në mënyrë të paligjshme dhe kundrejt pagesës 29 emigrantë.

30-vjeçari është përpjekur t’ia mbathë, por është kapur menjëherë ngë forcat e policisë.

“Shërbimet e Policisë, në bazë të informacioneve të siguruara nga inteligjenca informative, për një shtetas që do të transportonte kundrejt pagesës, shtetas të huaj, me qëllim që ata të kalonin ilegalisht kufirin, organizuan veprimet dhe në afërsi të fshatit Kalivaç, Pogradec, bënë të mundur lokalizimin e automjetit të dyshuar.

Shtetasi F. Q., sapo ka konstatuar se ishte në ndjekje nga Policia, ka tentuar të largohet me shpejtësi me automjet, duke mos iu bindur urdhrit të punonjësve të Policisë, për të ndaluar, por menjëherë është kapur dhe neutralizuar. Gjatë kontrollit në automjetin tip furgon u gjetën 29 emigrantë.

Nga tërësia e veprimeve hetimore dhe provat e siguruara, rezultoi se 30-vjeçari do t'i transportonte emigrantët, kundrejt pagesës, me qëllim që të kalonin në mënyrë të paligjshme drejt vendeve të BE-së. Në cilësinë e provës materiale u sekuestruan automjeti dhe 1 aparat  celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë./ CNA





Lajmet e fundit nga