LEXO PA REKLAMA!

SHKARKO APP

Të shtënat me armë drejt një grupi fëmijësh?/ Policia e Shkodrës sqaron ngjarjen

4 Korrik 2022, 21:29, Kronika CNA
Të shtënat me armë drejt një grupi fëmijësh?/
Lokali pranë vendit të ngjarjes

Pas të shtënave me armë në Shkodër, mediat kanë raportuar se autori i paidentifikuar ka qëlluar drejt një grupi fëmijësh.

Për këto aludime, CNA.al ka kontaktuar policinë e Shkodrës, e cila ka deklaruar se nuk mund të dilet ende në një konkluzion të tillë.

Blutë kanë pohuar se nuk kanë marrë asnjë denoncim se të shtënat kanë qenë në drejtim të fëmijëve.

“Nuk mund ta përcaktojmë se është ngjarje në hetim. Denoncim të tillë nuk kemi marrë. Persona të plagosur nuk ka”, theksoi policia.

Ndërkohë, kujtojmë se nga të shtënat nuk ka persona të lënduar, ndërsa plumbat kanë dëmtuar vetratën e një lokali aty afër.

Sakaq, grupi hetimor po vijon punën për zbardhjen e shkaqeve dhe rrethanave, si dhe identifikimin dhe kapjen e autorit./ B.A. - CNA.al

Lajmet e fundit nga