LEXO PA REKLAMA!

SHKARKO APP

U gjet i dekompozuar në Malin e Gramozit/ Del ADN-ja, kujt i përkiste trupi

4 Korrik 2022, 20:47, Kronika CNA
U gjet i dekompozuar në Malin e Gramozit/ Del ADN-ja, kujt i përkiste
Sherif Mukaj

Trupi i dekompozuar i gjetur pak javë më parë në Malin e Gramozit i përket 29 vjeçarit Sherif Mukaj.

Kjo është vërtetuar nga analiza e ADN-së, e cila ka dalë së fundmi.

I riu nga fshati Starje rezultonte i zhdukur prej 1 nëntorit.

Pavarësisht se nga policia pritej edhe një rikonfirmim me anë të ADN-së, në vendngjarje u gjeten mjaftueshëm prova që i përkisnin këtij shtetasi.

Sipas policisë nga këqyrja e skeletit në pjesën e kafkës është konstatuar një vrimë tejshpuese që dyshohet se mund të jetë shkaktuar nga përdorimi i armës së zjarrit ndërkohë që në cilësinë e provës materiale në pyll bashkë me kufomën u gjetën dhe u sekuestruan një xhup, brenda të cilit kishte një aparat celular dhe një palë çelësa shtëpie që korrespondonin pikërisht me derën e shtëpisë se Mukajt.

Tashmë për policinë nuk ka më dyshime që trupi është i 29 vjeçarit Sherif Mukaj, ndërsa familjarët kanë tërhequr dhe kanë varrosur mbetjet kockore të 29-vjecarit, vrasje e cila deri tani mbetet e pazbuluar nga policia ndërsa pista kryesore ku po hetohet është pikërisht pazaret e drogës./CNA.al

Lajmet e fundit nga