web counter
LEXO PA REKLAMA!

SHKARKO APP

App Store
Google Play

Shkaktoi aksidentin në Kosmaç - Vau i Dejës/ Procedohet i mituri

5 Tetor 2025, 09:00, Kronika CNA

Shkaktoi aksidentin në Kosmaç - Vau i Dejës/ Procedohet i

Policia e Shkodrës ka proceduar penalisht të miturin që shkaktoi aksidentin mbrëmjen e djeshme në aksin Kosmaç - Vau i Dejës.

17-vjeçari humbi drejtimin e automjetit dhe si pasojë u përlas me murin rrethues të një banese duke shkaktuar plagosjen e tij dhe të vëllait të tij.

Policia njofton se i mituri është transportuar drejt spitalit të Traumës për mjekim më të specializuar, ndërsa 23-vjeçari ndodhet në spitalin e Shkodrës.

 

Njoftimi i policisë

Drejtoria Vendore e Policisë Shkodër

Në vijim të informacionit paraprak të dhënë mbrëmë, për aksidentin në aksin rrugor “Kosmaç - Vau i Dejës”, informojmë se specialistët e Sektorit të Qarkullimit Rrugor kanë referuar materialet në Prokurori, ku është nisur procedimi penal për të miturin 17-vjeçar, pasi, duke drejtuar një automjet, dyshohet se ka humbur kontrollin mbi drejtimin e tij dhe ka dalë nga rruga, duke u përplasur me murin rrethues të një banese.

 

Si pasojë, janë dëmtuar 17-vjeçari, i cili u dërgua në Spitalin e Traumës Tiranë për mjekim më të specializuar, dhe vëllai i tij, shtetasi F. G., 23 vjeç, i cili ndodhet në Spitalin Rajonal Shkodër, jashtë rrezikut për jetën./CNA





Lajmet e fundit nga