E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

Prokuroria e Shkodrës mbyll hetimet për 35-vjeçarin/ I riu nuk ekstradohet nga Franca, zbulohet arsyeja

29 Janar 2025, 11:02, Kronika CNA

Prokuroria e Shkodrës mbyll hetimet për 35-vjeçarin/ I riu nuk

Prokuroria pranë Gjykatës së Shkallës së Parë të Juridiksionit të Përgjithshëm Shkodër ka përfunduar hetimet dhe ka dërguar në gjyq të pandehurin, shtetasin E.H., për veprën penale “Vjedhja me armë”, të mbetur në tentativë, e kryer në bashkëpunim.

35-vjeçari është i dyshuar për vjedhjen me armë zjarri të një argjendarie në Shkodër e mbetur në tentativë, ngjarje e ndodhur më 13 nëntor të 2012-ës.

Ky shtetas u arrestua në maj të vitit të kaluar në Spanjë, si rezultat i bashkëpunimit me partnerët spanjollë duke finalizuar operacionin e koduar “Capital”.

Edhe pse janë bërë rreth 9 muaj nga arrestimi i tij, ende 35-vjeçari nuk është ekstraduar drejt Shqipërisë, kjo për shkak të një martese që ka me një shtetase franceze dhe 3 fëmijëve të vegjël.

Autoritetet shqiptare dhe ato franceze po vijojnë punën për ekstradimin drejt Shqipërisë të autorit të dyshuar të vjedhjes me armë e mbetur në tentativë.

Prokuroria e Shkodrës në njoftimin e saj bën të ditur se ndaj tij është caktuar masa e sigurimit personal “Arrest në burg” dhe vijojnë procedurat për ekstradimin e këtij shtetasi në bashkëpunim me autoritetet gjyqësore franceze dhe Interpol.

Organi i akuzës shton se nga hetimet e zhvilluara në bashkëpunim me policinë Shkodër dhe Europol në kuadër të procedimit penal nr.1213, të vitit 2012, u arrit të provohet se, në datën 13.11.2012, rreth orës 14:25, në vendin e quajtur lagjja “Fahri Ramadani”, të qytetit të Shkodrës, shtetasi E.H., së bashku me dy bashkëpunëtorë të tjerë të paidentifikuar, të maskuar dhe të armatosur me armë zjarri kanë tentuar të vjedhin argjendarinë në pronësi të shtetasit M.Ç. Në atë tentativë vjedhje ka mbetur i plagosur lehtë, vëllai i pronarit, shtetasi R.Ç. 35-vjeçari para se të arrestohej, është shpallur në kërkim ndërkombëtar pas rifillimit të hetimeve nga policia e Shkodrës.

Bazuar në këto hetime, në muajin shkurt 2024, Gjykata e Shkallës së Parë në Shkodër i ka caktuar këtij shtetasi masën e sigurisë “Arrest në burg”, për veprat penale “Vjedhja me armë”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”. Katër muaj pas shpalljes në kërkim, në maj të 2024 u bë e mundur prangosja e tij në Spanjë.

35-vjeçari që nga 2012-ta kur është larguar nga Shqipëria nuk ka hyrë asnjëherë më në territorin shqiptar duke qëndruar në Francë.

Ai rrezikon një dënim prej 10-20 vite burg ndërsa nëse nuk arrihet ekstradimi i tij, procesi gjyqësor do të vijojë në mungesë.

Në vijim, Prokuroria e Shkodrës, shpreh angazhimin e plotë për vënien para përgjegjësisë ligjore të personave që kryejnë vepra penale kundër shëndetit të personit dhe pasurisë së tyre./ CNA