web counter
LEXO PA REKLAMA!

SHKARKO APP

App Store
Google Play

E fundit!

x

Parandalohet ngjarja kriminale në Shkodër/ Arrestohen babë e bir, kanosën fqinjin me armë zjarri

16 Tetor 2025, 14:03, Kronika CNA

Parandalohet ngjarja kriminale në Shkodër/ Arrestohen babë e bir,

Një ngjarje kriminale është parandaluar ditën e sotme në Shkodër. Një 56-vjeçar dhe djali i tij janë arrestuar pasi kanë qëlluar në ajër me armë zjarri dhe armë gjahu për të kanosur fqinjin e tyre.

Sipas informacioneve policore, është shpallur në kërkim edhe djali tjetër i 56-vjeçarit. Bëhet po ashtu me dije se janë sekuestruar 2 armë gjahu çifte, që i kishin me leje, ndërsa po punohet për gjetjen e një arme tjetër zjarri. 

Njoftimi i policisë: 

Shkodër/Ndërhyrja e shpejtë e Policisë parandalon ngjarje të mundshme kriminale. 

Qëlluan në ajër, me armë zjarri dhe me armë gjahu, në fshatin Trush, për të kanosur fqinjin e tyre, kapen në flagrancë dhe vihen në pranga 56-vjeçari dhe djali i tij. Shpallet në kërkim djali tjetër i 56-vjeçarit. 

Sekuestrohen 2 armë gjahu çifte, që i kishin me leje. Punohet për gjetjen e armës së zjarrit. 

Specialistët për Hetimin e Krimeve të Komisariatit të Policisë Shkodër, në bashkëpunim me shërbimet e Patrullës së Përgjithshme, të mbështetura nga shërbimet e Forcës së Posaçme “Shqiponja”, menjëherë pas marrjes së njoftimit se në fshatin Trush, disa shtetas kishin kanosur me armë, fqinjin e tyre, kanë organizuar punën për kapjen e tyre dhe zbardhjen e rrethanave të rastit. 

Si rezultat i veprimeve të shpejta, u kapën në flagrancë dhe u arrestuan shtetasit Ç. M., 56 vjeç, dhe D. M., 22 vjeç (babë e bir), banues në fshatin Trush. Gjithashtu, u shpall në kërkim shtetasi E. M., 27 vjeç, banues në fshatin Trush.      

Nga veprimet e para hetimore dyshohet se shtetasi Ç. M. dhe dy djemtë e tij, kanë qëlluar me armë zjarri dhe me armë gjahu çifte, në ajër, afër banesës, për të kanosur fqinjin e tij, shtetasin P. N., për motive të dobëta.    

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. /CNA





Lajmet e fundit nga