E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Parandalohet krimi në familje/ Bashkëshorti dhe vjehrri dhunojnë brutalisht 28-vjeçaren në Maliq

1 Shtator 2024, 19:50, Kronika CNA

Parandalohet krimi në familje/ Bashkëshorti dhe vjehrri dhunojnë

Foto ilustruese

Një 28-vjeçare është dhunuar brutalisht nga bashkëshorti i saj në ambjentet e shtëpisë e tyre, në qytetin e Maliqit.

Sipas informacioneve, çifti kishte patur një debat verbal dhe më pas bashkëshorti me iniciale E. Z. ka goditur me grushta bashkëshorten e tij, duke i shkaktuar dëmtime në fytyrë. Në konflikt, i cili dyshohet të jetë për motive xhelozie, është përfshirë edhe vjehrri i të resë, i cili gjithashtu bashkë me të birin ka ushtruar dhunë ndaj 28-vjeçares.

Fqinjët kanë dëgjuar të bërtiturat e 28-vjeçares dhe kanë njoftuar policinë e Maliqit, e cila në pak minuta ka hyrë në banesë duke parandaluar përshkallëzimin e konfliktit, i cili mund të kishte patur edhe pasoja më të rënda për të renë.

Policia ka arrestuar në flagrancë bashkëshortin 31-vjeçar, i skeduar nga policia si përdorues i lëndëve narkotike, dhe ka proceduar në gjendje të lirë babain e tij, ndërkohë që 28-vjeçarja u pajis me urdhër të menjëhershëm mbrojtje.

Në harkun kohor të 24 orëve, ky është rasti i dytë i dhunës brutale ndaj grave në juglindje.

Njoftimi i plotë:

Policia parandaloi përshkallëzimin e një rasti dhune në familje.

U arrestua në flagrancë 31- vjeçari dhe u procedua penalisht 59- vjeçari (babai i 31 vjeçarit).

Shërbimet e Komisariatit të Policisë Maliq, menjëherë pas njoftimit të marrë, për një rast dhune në familje kanë shkuar menjëherë në adresën e dhënë.

Nga veprimet e para rezultoi se shtetasi E. Z., pas një konflikti për motive xhelozie, kishte ushtruar dhunë fizike e psikologjike ndaj bashkëshortes së tij. Po nga veprimet hetimore rezultoi se dhe babai i 31 vjeçarit shtetasi T. Z., ishte përfshire në konflikt dhe kishte ushtruar dhunë ndaj 28 vjeçares (nuses së djalit).

Ndërhyrja në kohë e Policisë parandaloi përshkallëzimin e dhunës.

Në vijim të veprimeve u arrestua në flagrancë shtetasi E. Z., 31 vjeç, dhe u procedua penalisht babai i tij shtetasi T. Z., 59 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme për veprën penale "Dhuna në familje"/ CNA