web counter
LEXO PA REKLAMA!

SHKARKO APP

App Store
Google Play

Atentati në Berat/ Policia kap bashkëpunëtorin e autorëve, i ndihmoi të largoheshin

31 Gusht 2024, 13:33, Kronika CNA

Atentati në Berat/ Policia kap bashkëpunëtorin e autorëve, i

Policia e Beratit, identifikoi një nga autorët e përfshirë në atentatin ndaj Altin Halilit, një të dënuari për vrasje në ’97-ën. 

Policia ka arrestuar  I.T., 48 vjeç, banues në Divjakë.

Nga hetimet ka rezultuar 48-vjeçari ka përkrahur autorët e ngjarjes, duke i larguar ata me automjet nga fshati Kozare, ku u gjet i djegur automjeti i tyre.

Njoftimi i policisë:

Veprime të thelluara hetimore për zbardhjen e ngjarjes së ndodhur në datën 26.08.2024, në rrugën e fshatit Dushnik, ku u qëllua me armë zjarri në drejtim të një automjeti, me qëllim vrasjen e drejtuesit të automjetit.

Identifikohet, kapet dhe ndalohet, shtetasi që largoi nga vendi i ngjarjes ku dogjën autmomjetin, autorët që qëlluan me armë në drejtim të automjetit që drejtohej nga 48-vjecari A. H.

Grupi i Posaçëm hetimor i Drejtorisë Vendore të Policisë Berat i ngritur për zbardhjen e ngjarjes së ndodhur mbasditen e datës 26.08.2024, në rrugën e fshatit Dushnik, ka vijuar intensivisht veprimet e thelluara hetimore në bashkëpunim të ngushtë me Prokurorinë e Juridiksionit të Përgjithshëm Berat.

Si rezultat i veprimeve hetimore dhe procedurale, të kryera specialistët e Seksionit për Hetimin e Krimeve ndaj Personit në DVP Berat, identifikuan, kapën dhe vunë në pranga shtetasin I.T., 48 vjeç, banues në Divjakë.

Nga hetimet e thelluara procedurale rezultoi se 48-vjeçari ka përkrahur autorët e ngjarjes, duke i larguar ata me automjet nga fshati Kozare, ku u gjet i djegur automjeti i tyre.

Grupi i posaçëm hetimor vijon veprimet për zbardhjen e plotë të ngjarjes, identifikimin dhe kapjen e autorëve.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./CNA 





12:45 Kronika

Vrasje në Shkodër

Pak minuta më parë ka ndodhur një vrasje në rrugën ‘Isuf S...

Lajmet e fundit nga