web counter
LEXO PA REKLAMA!

SHKARKO APP

App Store
Google Play

Atentati mafioz në Shkodër/ Jeta e errët e shënjestrës

31 Gusht 2024, 10:20, Kronika CNA
Atentati mafioz në Shkodër/ Jeta e errët e shënjestrës
Elis Rroshkodoli

Detaje të reja kanë dalë në lidhje me vrasjen që ndodhi mesditën e djeshme në Shkodër, ku ngeli i pajetë Elis Rroshkodoli, 36-vjeç. 

Ai u vra më armë zjarri teksa ndodhej brenda një lokali zonën Zdraeles, në lagjen "Ahmet Haxhia". Raportohet se ndaj tij autori qëlloi me 14 plumba duke e lënë të pajetë në vendngjarje. 

Policia ka dyshime se ekzekutorët e kësaj vrasje mund të jenë persona me pagesë dhe se porositësit janë të tjerë. 

Elis Rroshkodoli, ishte person me precedent penal dhe i përfshirë në një sërë ngjarjesh. Uniformat blu njoftuan se viktimës iu gjet një pistoletë në çantë, gati për qitje. 

Detaje rreth Elis Rroshkodolit

Në vitin 2010 dyshohet se Elis Rroshkodoli ka plagosur me armë zjarri shtetasin Hysni Bregu, babai i të fortit të Shkodrës, Barush Bregu.

Më pas në vitin 2014 dyshohet se është përfshirë në një vjedhje në Belgjikë. Në këtë shtet ai akuzohet se ka plagosur një shkodran me mbiemrin Shema dhe një vit më parë është dyshuar për plagosjen e një rumuni në Rumani. 

Elis Rroshkodoli është djali i Kujtim Haxhisë, ky i fundit i vrarë në vitin 1995 në Shkodër pas një konflikti duke lënë në moshën 7-vjeçare të birin që u ekzekutua një ditë më parë.

Vrasja

Policia dyshon se një automjet tip ‘Benz’ ngjyrë gri ka ardhur nga rruga “Isuf Sokoli” dhe 36-vjeçari është qëlluar teksa pinte kafe në lokal. 

Automjeti i dyshuar që ende nuk është gjetur ka marrë rrugën në të majtë në drejtim të hyrjes së Shkodrës duke humbur gjurmë më pas.

Në lokal në momentin e vrasjes ndodheshin katër persona, viktima, pronari i lokalit dhe dy klientë të tjerë. Njëri prej dëshmitarëve ka qenë shumë afër 36-vjeçarit, por iai deklaruar se nuk ka qenë me të në tavolinë dhe se viktima po pinte kafe i vetëm.

Lokali ku ndodhi vrasja mësohet se nuk ka kamera sigurie. Dëshmitarët kanë treguar vetëm se kanë parë një automjet dhe asgjë tjetër lidhur me vrasësit./CNA 





12:45 Kronika

Vrasje në Shkodër

Pak minuta më parë ka ndodhur një vrasje në rrugën ‘Isuf S...

Lajmet e fundit nga